您的位置: 首页/今日焦点/美警受寵 港警苦過梁天來

美警受寵 港警苦過梁天來

July 29, 2019, 03:21 AM

  寫呢篇小文嘅時候,睇緊電視現場直播香港中上環示威暴動場面;暴徒同警方對峙,向警察投擲物件,警方舉旗後施放摧淚彈、摧淚煙。你來我往行動激烈唔知幾時完結,可能等待到黎明都未得。由於現場接近中聯辦,唔少人擔心暴徒會唔會好似上次咁衝擊中聯辦大樓,向國徽噴漆。亦有人憂慮暴徒假如再次唔識死,解放軍為會出動,協助警方平亂,總之係謠言滿天飛,擔憂香港未來前途。

  自6月份以來,香港暴徒暴行冇停過,利用反“逃犯”條例搞破壞香港治安,個個禮拜搞遊行,遊行完咗又搞暴動,呢個禮拜六搞完元朗暴亂,立即又搞中上環集會暴動。最苦莫過於警察,疲於奔命,一波未平,一波又起。但為咗香港安定,唔做又唔得。最慘嘅係佢哋做到筋疲力盡,仲要俾人鬧,連政務司司長張建宗都唔撐佢哋,竟然代表佢哋道歉,諗起上來,想唔鬧佢阿媽都唔得。

  俗話說“人比人,激死人。”同美國警察相比,簡直係“蚊脾同牛脾”,無得比。美國警察執法時就算力度過大致人於死,亦唔駛坐監,但香港差人就唔得,打向警員噴尿嘅曾健昭嗰幾個差佬,被判刑兩年,犯法累累黃之鋒之流,判三個月,你話警察服唔服?“點到你唔服。因為最高法院、終審法院嘅法官都係英國人。”從近日紐約發生嘅流氓向警察潑水事件,可見美國差佬工作令人羨慕,因為連總統特朗普都心痛執法者,并且痛斥紐約市長白思豪之不作為。特朗普發推文咁寫:“我哋呢個偉大國家嘅執法者係令人尊敬嘅。紐約市警察竟被人潑水,呢種係侮辱行為,完全係一種恥辱。”又話“所發生嘅潑水警員事件完全不可接受、不能容忍。白思豪應該要立即採取行動。”

  身為大國總統,特朗普係咪要一視同仁呢?嗱!??家香港警察正處於水深火熱環境,特朗普係咪要拎出應有風度,讚一讚佢哋為社會安定作出嘅貢獻。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版