您的位置: 首页/八友集/薯條任食真攞命 便宜莫貪

薯條任食真攞命 便宜莫貪

Apr 20, 2016, 01:44 AM

  鐘意食薯條嘅讀者,有個好消息講俾你哋知,密蘇裏州一間就快開張嘅麥記連鎖餐廳,宣佈將無限量供應薯條;即係話,你可以用一份薯條嘅價錢,享用無限量嘅薯條,喫到飽為止。消息傳開之後,數以千計食客喺推特上表示:“這真係我聽到最好嘅消息!”但係,亦有人不以為然。一名推特用戶對麥記非健康飲食深表擔憂,直指“美國又出現問題”。因為,一份大薯條嘅熱量係510卡路裏,脂肪含量為24克,比人類平均每日推薦攝入量高出咗三分之一。“老友,你話好事定壞事。有便宜莫貪呀!”

  “有平宜點會唔貪,聽過拚死食河未”友人大隻講說麥記出到呢招搶客,罔顧民眾健康,實在太不應該,如果全美麥記跟進薯蓧任食,又唔知出現幾多癡胖兒。講起麥記,自從包厘街嗰間撤退之後,唐人街已無速食店,有人話華埠民眾健康得到進一步保障,信焉!八友極少幇襯老外餐館,口味唔啱之故。但偶一食之,亦能過癮。唐人街喺1990年代之前有兩三間老番食店,包厘街有間牛扒店,擺也街哥倫布公園對面有間披薩店,均先後收檔。依家衹有且林士果一間都勒店,都勒者,亦係甜死人唔駛賠命嘅餅食,戒喫為妙。八友住喺麥地臣街F車站附近,該區有中餐館、麥記、三明治店等。以前仲有間披薩店,有時唔想喫飯麵,就會買塊披薩番歸,沖杯香片茶,慢慢享用。年前披薩店轉做都勒店,想喫披薩,唔知去邊度矣!

本文版权属“纽约侨报”所有,转载请注明“来源:纽约侨报”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版