首页>正文

不要作孽 食野味會傳病毒

版权声明

本文内容为侨报版权所有,未经授权许可不得任意转载复制,违者必究!

2020-01-24

  早幾日同鄉里葉仔打麻雀,佢突然嘆口氣說:“都唔知番唔番大陸好。”

  電視新聞正在播報武漢肺炎疫情,話深圳已有病例。葉仔摸住隻牌呆咗一呆:“仲死,連深圳都有。”“你幾時番大陸呀?”八友問。“年初二囉!”“口依家疫情咁緊張,為安全計,都係唔好番去囉!買咗機票未呀?”“就係買咗,4張口忝,如果退票,損失慘重。”“錢緊要抑係命緊要吖?”“梗係錢緊要啦!”葉仔笑說。嗰日,又同佢開枱,佢話聽老婆講,已經取消機票,損咗幾百蚊:“希望今日八友喺麻雀枱幫襯下啦!”“好難囉!” 

  武漢肺炎疫情蔓延,一日數變,武漢已經封城,据国家卫健委及各地卫健委通报数据不完全统计,全国累计报告新型冠状病毒感染的肺炎确诊病例已超600例。其中,浙江、上海、重庆、四川、福建、广东、山东、黑龙江等地均有新增确诊病例,吉林新增首例确诊病例,陕西、内蒙古、甘肃均新增疑似病例。即係除咗新疆之外,各省市告急。何解疫情蔓延得咁快?民眾質疑係咪存在疏忽或故意瞞報,《新京報》質疑武漢15個醫護感染肺炎,“武漢點解唔早啲公佈?”中央政法委微信強調,“邊個刻意遲報瞞報邊個就係千古罪人”。新型肺炎魔爪已逐漸伸延,一個喺武漢番西雅圖嘅唐人發燒進醫院,全美各大機場嚴陣已待。總統特朗普安定人心:疫情喺美國可以控制。

  令人振奮嘅係:美國華人科學家表示疫苗已完成設計,或者會喺幾個月後面世。

  有指今次疫情,係由食野味引起,始作俑者之華南海鮮市場原來除咗海產之外,仲有好多奇形怪狀嘅野味出售。套鍾南山一句話:“唔好再作孽了。”

网友留言

返回顶部
关于侨报|免责声明|联系我们 |广告合作
http://ny.uschinapress.com/ad/2015/m/U386P5058T12D35F84DT20190724183535.jpg|http://ny.uschinapress.com/spotlight/2019/07-17/169020.html|