首页>正文

搵好女婿 麻雀枱上見真情

版权声明

本文内容为侨报版权所有,未经授权许可不得任意转载复制,违者必究!

2020-01-23

  “輸錢發爛渣。”賭仔要有賭品,否則輸錢又輸品,更加不堪。據悉,皇后區某賭場過往曾發生幾百單輸到幾乎甩褲嘅憤怒賭客拍打喫角子老虎機被捕事件,賭場保安專家查裏奇表示,輸錢輸急嘅賭客拍打喫角子老虎機發洩事件周時出現,呢種情況以東岸較為普遍,老虎機嘅顯示器或下邊玻璃最容易成為攻擊目標。佢又話,一經發現,破壞者會被報警處理。

  不過,有一個賭客日前入稟,稱有人只係細細力好似佢咁就拍下老虎機就俾保安“扣留勒索”,因此,佢要搵多啲被屈嘅賭客一齊告賭場。

  官司有冇得打唔知。但拉老機拉唔出大洋,輸到眼光光時打下老虎機發洩下情緒,則好多人都會,如果隨手輕撫“老虎面”就俾保安屈,則影響賭場聲譽矣!當然,亦有脾氣唔好嘅賭仔真係將老虎機當作殺父仇人,拳打腳踢,呢種作為,不但破壞賭場財富,更影響其他賭客心情,理應受到懲罰也。講起賭品,最容易喺打麻雀中見真情。

  有一種講法,如果想知道未來女婿人品好唔好,就搵齊麻雀腳同佢開枱,假如未來快婿牌品差,口水多過茶,“阿女,呢種男人唔好要囉!”八友則自問牌品極佳,輸錢最多面紅,輸得多仲會講笑自嘲,而嬴錢亦唔會唱歌仔。見過唔少牌品極差之人,估計佢哋外母一定喺佢婚前冇同佢打過牌。

  再講一講拉老虎機,以前如果好運,一拉之下,跌出一百幾十個銅板,嘩啦!嘩啦!聲音尤似高山流水,非常動聽,令人心曠神怡。但贏家只係螢幕顯示閣下贏輸幾多,“沈默革命”,好唔過癮者。八友十幾年冇去賭城,原因在此。

网友留言

返回顶部
关于侨报|免责声明|联系我们 |广告合作
http://ny.uschinapress.com/ad/2015/m/U386P5058T12D35F84DT20190724183535.jpg|http://ny.uschinapress.com/spotlight/2019/07-17/169020.html|