首页>正文

國際節日 慶春節不分種族

版权声明

本文内容为侨报版权所有,未经授权许可不得任意转载复制,违者必究!

2020-01-22

  喺農歷新年之前,如果你問非華裔人士知唔知KUNG Hei Fat Choi 係乜意思,十之八九會答:“唓!恭喜發財吖嘛!你哋唐人過新年囉!喂!唐人街幾時有舞龍舞獅睇?”可見春節就好似老外嘅聖誕節咁,已經係屬於世界性節日,不論黑白紅黃人種,都會隨喜慶祝。但仍有心中有鬼嘅人妄想排斥。呢個人就係馬來西亞右翼土著權威黨副主席莫哈末凱魯,佢係上個禮拜指雪蘭莪州一間公立中學農曆新年裝飾太刺眼,稱農曆新年係“華族宗教節日”,想向穆斯林傳教,要求該校拆除。嚇得呢間學連夜拆除春節裝飾。事件引起社會反彈。首相馬哈迪喺內閣會議表明反對任何種族主義同極端主義。該校心頭大石放低,重新掛上裝飾,副首相旺阿茲莎更率領多個官員又將十個大紅燈籠送到該校,佢哋喺燈籠簽名後,結束呢場風波。

  友人大隻講大鬧莫哈末凱係“屎忽鬼”,想搞種族衝突:“馬來西亞亦曾出現排華浪潮,好彩政府禁得快,冇出現社會動盪,否則又好似印尼咁一發不可收拾。”八友認為呢條友想借題發揮,見春節係馬來西亞年年都紅紅火火,呷嗮大醋,今年唔知黐咗邊條根,想挑起社會茅盾,點知首相唔賣佢賬,結果枉作小人。

  歐美國家則好尊重同包容我哋中國新年,見到唐人街文具商舖售賣八彩繽紛有關春節物品,就知道唐人年將至,打聽幾時有熱鬧睇。而係年初一、超級星期六、花車遊行日,唐人街大街小巷都塞滿中外遊客,心無芥蒂,共同慶祝呢個世界性節日。所以,如果仲有“屎忽鬼”心態嘅人,叫佢番屋企瞓覺好了。

网友留言

返回顶部
关于侨报|免责声明|联系我们 |广告合作
http://ny.uschinapress.com/ad/2015/m/U386P5058T12D35F84DT20190724183535.jpg|http://ny.uschinapress.com/spotlight/2019/07-17/169020.html|