首页>正文

如此這般 垃圾車可得安全

版权声明

本文内容为侨报版权所有,未经授权许可不得任意转载复制,违者必究!

2020-01-21

  “老豆,小心,垃圾車呀!行過來呢邊。”日前同八女喫完飯歸家,途中一部垃圾車倒後,八女拉住八友往右邊行,避開“怪獸車”。“我睇到,會小心嘅,垃圾車仲恐怖過坦克車,司機橫沖直撞,都唔睇人嘅。”“喺囉,嗰日先撞死人。”嗰單垃圾車禍發生於5天前,一部垃圾車凌晨喺布碌侖撞死一名67歲老婦,死得好慘,身體斷開兩截,而垃圾車司機卻不顧而去。據報道,死者喺過馬路期間被撞後,卷入車底拖行數呎,其後從車底跌落到地面。目擊者表示,最初以為系兩具屍體,但警員其後證實死者被車劏開,一分為二。警方說,唔知呢部私人垃圾車司機喺事發後知唔知撞死人,事件正在追查中。

  八友指垃圾車系“怪獸車”,並不過份,因為呢種車其堅硬度有如坦克車,最大特色系臭不可聞,司機駕駛起來有如舞龍咁舞,路人如果唔主動避開會好危險。記得十多年前,華埠包厘夾擺也街亦曾經發生一宗垃圾車撞死人事,一名啱啱大學畢業花季華女閃避不及,當場被一部倒後嘅“怪獸車”撞倒,司機仲唔知撞倒人,繼續倒後,直到有人走前大叫,司機先至停車。但喺重壓之下,少女已經香銷玉殞。據知,垃圾車死人事件時有發生,八友認為系由於司機之“傲慢與偏見”造成。司機會覺得“老子摣呢架又硬又臭嘅坦克二型車,威過威士忌,途人應該避開,否則後果自負。”點樣消除佢哋呢種心態?一要開設安全駕駛課程,講俾佢哋知,開垃圾車唔系大嗮。二系將倒後鏡裝大一倍,並且倒車時有警告音響,如此這般,“怪獸車”將成為安全車,不妨考慮八友提議。

网友留言

返回顶部
关于侨报|免责声明|联系我们 |广告合作
http://ny.uschinapress.com/ad/2015/m/U386P5058T12D35F84DT20190724183535.jpg|http://ny.uschinapress.com/spotlight/2019/07-17/169020.html|