首页>正文

時不予我 季炳雄難有作為

版权声明

本文内容为侨报版权所有,未经授权许可不得任意转载复制,违者必究!

2020-01-20

  “季炳雄押番紐約,唔知有冇人去接佢呢?”對世紀三大賊王之一季炳雄出監,即出即解,唔少人都大感興趣。例如八仔雖然係“竹昇”,但佢平日留意香港事務,所以知道季先生踎完監後竟然被送往紐約,大感意外同時覺得會影響唐人街、甚至主流社會安全,佢話莫非老季以前係喺紐約番香港做世界嘅?八友叫佢唔駛擔心,老季踎咗咁耐,“山中方七日,世上幾千年。”佢又一把年紀,試問佢仲有乜作為?八仔則表示話唔係咁講,“百足之蟲,死而不僵。”萬一俾佢喺紐約東山再起,豈非大劑?又話希望紐約警方睇實呢個過氣大賊,唔好俾佢喺美國翻身。

  張子強、葉繼歡、季炳雄合稱香港三大賊王,前兩人已經番咗舊時嗰度,老季歷劫餘生,就算俾佢自由,但人面全非,相信已經冇作為。電視新聞所見,香港出動飛虎隊押解季炳雄由監獄至機場,如臨大敵,直到佢上機之後先至抖一抖大氣:“舒服嗮。”但輪到紐約僑界唔自由矣!八友曾打聽有冇報館有冇派記者前往機場迎接,將新聞做大,但冇人回覆,可能報社下密令要大家封口未定。

  八友相信季炳雄唔會重操舊業,因為紐約華青幫派早已煙消雲散,以前幾個華青大佬約廿年前出監後,已洗口革面,摣住以前用剩嗰筆錢,做下小生意,亦有人喺大陸、香港,經營龍蝦海產或家俱買賣。八友未退休之前,曾想訪問一個華青風雲人物。但佢回話:“口依家仲揾呢啲嘢來搞?”婉拒要求。記得30年前嘅一個堂口大佬坐完之後,因為唔係公民,但有香港身份證,於是要佢限日離美返港。據知,佢去年春天已返回香冮矣!

网友留言

返回顶部
关于侨报|免责声明|联系我们 |广告合作
http://ny.uschinapress.com/ad/2015/m/U386P5058T12D35F84DT20190724183535.jpg|http://ny.uschinapress.com/spotlight/2019/07-17/169020.html|