首页>正文

智勇雙全 鄧炳強單刀赴會

版权声明

本文内容为侨报版权所有,未经授权许可不得任意转载复制,违者必究!

2020-01-18

  做得警察一哥,除咗有呢方面材幹之外,更需要有台型,紐約市過往曾經出現過智勇雙全嘅一哥,但亦有唔少庸庸碌碌之輩。如果社會出現亂局,必須要有強勢嘅警察頭頭先至可以鎮壓。香港就係,啱啱退休冇耐嘅盧偉聰就係庸碌之輩,而接任嘅鄧炳強就唔一樣,反修例風波開始時,警方嘅記者會中,佢喺主要發言人,淡定又不卑不亢嘅態度,令人印象深刻。佢臨急受命時,遇上理工大學遭暴徒騎劫,鄧Sir採取圍而不攻戰術,終於取得成功。而喺暴徒燒砸打搶期間,佢親上前線指揮,為手足打氣,短短兩個月,止暴制亂,取得一定成績。前任嘅盧偉聰應該汗顏。

  鄧Sir之犀利,更見於日前出席中西區區議會會議,明知會俾班曱甴議員圍剿,但佢拎出“關公單刀赴會”嘅氣勢,直闖“蛇潭鼠穴”,對議員嘅提問、質詢,見招拆招,連消帶打,令人喝采,八友睇呢條電視都睇咗兩次,對鄧Sir之表現,寫個服字。例如所謂主席鄭麗琼要求鄧交代有幾多被捕女士喺警署內被強姦、有幾多巿民“被自殺”,鄧炳強表示鄭指控係流言及假新聞,乃煽動仇警言論,有腦嘅人都唔會有呢種諗法,又話警方或向提供假口供方向調查。更有民主黨何致宏問他會否辭職問責下台,鄧Sir淡定說,自己唔係問責官員,無法問責下台,又說:“我理直氣壯做得好,只係一啲懼怕我正義嘅人想我辭職。”

  據知,香港警方正考慮引用電槍執法。歐美等多個國家均使用電槍維持社會秩序,香港有此想法,并不出奇。

  鄧炳強雖然冇正面回應呢個問題,但唔排除任何方案。其實鄧Sir唔駛考慮咁多,次次暴亂擔住英、美國旗嘅暴徒見港警效法佢哋嘅最愛嘅國使用電槍,一定支持嘅。

网友留言

返回顶部
关于侨报|免责声明|联系我们 |广告合作
http://ny.uschinapress.com/ad/2015/m/U386P5058T12D35F84DT20190724183535.jpg|http://ny.uschinapress.com/spotlight/2019/07-17/169020.html|