首页>正文

23條立法 澳門冇人搞搞震

版权声明

本文内容为侨报版权所有,未经授权许可不得任意转载复制,违者必究!

2019-12-05

  寫呢篇八友集時,麻雀友大哥成將喺深夜搭機回鄉。佢嘅鄉下係澳門,大哥成係土生土長“馬交人”,廿幾年前移民來美,喺唐人街餐館做企枱,佢為人比較火爆,但愛國愛澳,所以每次到會所,睇到電視播緊香港暴暴亂時,就忍唔住大鬧暴徒目無法紀。佢話對澳門仍有好深感情,認為家香港發生暴亂,似乎俾人感到一國兩制唔成功,但澳門嘅實際情況講咗俾全世界知,一國兩制係成功嘅!“淨係年年有錢派已經值回票價啦!”大哥成笑說。“咁你今?番去係咪想派錢?”問佢。佢話派到錢梗係好,今次打算回鄉兩個月,過聖誕同新年,甚至過埋春節。“今年係澳門回歸廿週年,一定好熱鬧,好多嘢睇。”

  同係回歸祖國,但澳門同香港可以講係“同遮唔同柄,同人唔同命。”前者喺一國兩制下,民眾享受繁榮安逸自由生活。但條件比澳門更好嘅香港,今年就俾別有用心嘅人搞到雞毛鴨紅,民不聊生,令人唔明白。澳門有廿三條立法,香港特首怕咗反對派,唔敢立法吖嘛!大哥成一語點出:“其實邊有得怕,怕就唔好做高層。澳門夠試過有議員想學香港嗰幾個僕街咯!但係稍為露出條尾,立即被打殘,搞破壞,想死就易過。”

  八友想起日前喺中國全國人大常委會召開紀念《澳門基本法實施二十週年座談會》,人大常委會委員長栗戰書讚揚澳門各界有好強國家、憲法觀念,早已完成《基本法》廿三條立法,並於立法會選舉制度加入“防獨”條款。佢又特別提到,香港要領會中央精神、憲法、全面管治權同高度自治權的關係,喺某啲工作上中央對香港同澳門嘅要求一致。當時有份出席嘅林鄭月娥,唔知作何感想。“止暴制亂”,廿三條立法,會唔會係最好嘅靈丹妙藥呢!

网友留言

返回顶部
关于侨报|免责声明|联系我们 |广告合作
http://ny.uschinapress.com/ad/2015/m/U386P5058T12D35F84DT20190724183535.jpg|http://ny.uschinapress.com/spotlight/2019/07-17/169020.html|