您的位置: 首页/八友集/唔敢捐血 香港紅會變黃會

唔敢捐血 香港紅會變黃會

Jun 29, 2020, 23:39 PM

中國大陸紅十字會曾因郭美美事件而陷入風尖浪口。近日,香港紅十字會亦因變成「黃十字會」而引起廣大香港市民議論。點解呢?事件係由捐血講起:香港血液供應受疫情拖累出現緊張,警隊為救助有需要市民,日前有近100名警員參加九龍灣輔警總部舉行嘅捐血活動。點知有一個紅十字會女員工,身上佩戴幾種包括印有「黑警死全家」嘅辱警詛咒字嘅飾物,參加捐血嘅警員嚇到跳起,可能怕被打空針,急忙通知上頭後拉隊走人。有警司要求該會主管提供女員工姓名,但遭拒絕。警方事後表示相信今次屬個別事件,今後仍會參與捐血活動,紅十字會則對事件引起誤會話唔好意思。

八友有個中學同學阿德係退休差佬,微信問佢對上述事件睇法。阿德話香港紅會喺呢件事情上大錯特錯。紅會七大基本原則頭三條已經講得好清楚:人道、公正、中立,該女職員公然佩戴辱警飾物,何來中立?作為一個國際性大機構,有冇培訓員工時講解紅十嘅工作同理念?如果有,何解有員工會作出違背守則嘅行為?而作為當日捐血活動嘅紅會主管,有冇留意員工穿著嘅制服妥唔妥當?如果有而冇做嘢,就係失職,假如冇,就更加離譜。此外,警方事件要求提供該女員工姓名,咁簡單嘅要求,紅會竟然拒絕,唔係包庇係乜。「呢件事係香港紅會成立七十幾年來最大嘅政治災難,如果唔撥亂反正,將會打擊捐血、捐款嘅要求。」

相信讀者們都會覺得香港紅會喺今次捐血風波上有政治傾向,同「保黃派」嘅香港電台成為一對為人詬病嘅活寶。「當你係一個香港警察,去到一個捐血站,而同你抽血嗰位居然戴有「黑警成全家」襟章,你敢唔敢俾佢打針?」

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 网站地图| WAP版