您的位置: 首页/八友集/專搶華婦 冇膽匪類遲早拉

專搶華婦 冇膽匪類遲早拉

Jun 28, 2020, 23:52 PM

「唐人嘅錢都係錢。」最近,華埠出現一個專向唐人埋手嘅「冇膽匪類」黑人獨行賊。點解話此賊「冇膽匪類」呢?因為佢兩三個禮拜前曾經喺唐人街某水族館搶過一名女店員現金,日前,又喺且林士果大通銀行分行搶劫一個喺櫃員機提款嘅華人女子,不過,受害人覺得「華人嘅錢都係錢」,交租同食飯都需要銀両。乃寧死不屈,點都攬住銀包。因比惹嬲又高又壯,滿面鬍鬚嘅「冇膽匪類」,佢向臘物兜面就打幾拳,希望弱不禁風嘅華婦放手,點知受害人「吃了秤鉈鐵了心」,係都唔放。劫匪眼見街上人來人往,暗叫一聲「算你狠!」丟低喺嘴邊嘅牛扒,飛也似的逃去。

"乜呢個女人咁大膽,唔驚賊佬有刀咩!"有人為受害人抺一額汗。八友則認為,呢種只敢向女人打劫嘅鼠輩,俾個甕缸佢做膽,都唔敢揸武器搶剠。喺公佈嘅搶劫圖片中,我哋可以發現,賊人就喺受害人四五步之遙,一直牛咁眼睇住受害女子取錢,然後餓虎擒羊咁撲前嘶咬。呢個故事教訓我哋—錢財不可露眼。尤其喺銀行存款提錢時,更要眼觀四面,耳聽八方。好似上述劫案,旁邊男子已係虎視眈眈,但受害人仲係贛贛,一啲都唔為意,終為狼噬,雖然力保不失,但眼同面受傷,點都咁抵。

有人認為,喺呢個疫情同示威日子中,華埠民眾應該萬眾一心,團結互助,見到偷搶事件,報案嘅打電話,上前幇手嘅合力對付歹徒,其他族裔可以做到,華裔冇可能做唔到。讀者點睇。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 网站地图| WAP版