您的位置: 首页/八友集/陸續啓市 華埠餐館滿希望

陸續啓市 華埠餐館滿希望

May 21, 2020, 00:29 AM

唐人街嘅餐館近日又多開一兩間,當然亦只限於外賣。八友日前到阿倫街某餐廳外帶,先打電話訂餐,三個炒粉飯及兩杯飲料,問要幾耐可以?「15分鐘啦!」依時到達,但見一個食客拎住兩袋飯盒離去,店內只有一個女收銀員及?師一名,「就快得嘞!」女收銀說,八友睇到門口張貼「招請員工」告示,問:"乜得你哋兩個番工?其他人呢?""有啲住得遠,有啲要湊小朋友,番唔到來,暫時得我哋兩個。"又說因為人手不足,好多餐例如焗粉飯就欠奉,例湯煲唔切,希望顧客體諒下。"呢個非常時期,有得食算好彩啦!"八友再望下大?,但見佢運鏟如風,手法純熟,台型十足,乃有料之人也。但一廚餐館,都幾難頂,希望佢哋盡快請到伙記。

 過去兩個月,唐人街餐館全關,連外賣都冇,八女知道呢一場仗唔容易打,預先買好米麵同凍肉、罐頭及餅食。一日三餐大多喺屋企解決,例如煮一鍋羅宋湯,夠三次食用,第一次,非常好吃,晚餐再吃,都唔錯,到昔日午餐第三次進食,"阿女,有啲懨囉!""我都係。"八女亦有時懶煮,叫外賣,因為中城有啲餐館有送外賣服務,好似越南河粉、馬拉餐、上海粗炒等等,一叫就叫夠兩餐食用,當然,呢種外賣嘅價錢會比較貴,雖然八女俾,但八友有時都肉痛,"唔好叫咁密囉!煲下鹹瘦肉粥,仲有肉鬆同腐乳,清下腸胃啦!""得?嘞!食好啲,身體好啲,抵抗力強啲。"冇計,只有聽女話。

到咗5月初,知到華埠有多幾間飲食店開門,例如福建同鄉會附近就有三間店開始做生意,八友前日到其中一間餅店買早餐,只有幾款麵包同蛋糕,老板娘無奈說:"人手唔夠,大家體諒。"6月第二個禮拜天就係父親節,到時州政府會唔會放寬餐館堂食呢?

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版