您的位置: 首页/八友集/ 甩鍋絕技 德廚本領勝川蓬

甩鍋絕技 德廚本領勝川蓬

May 20, 2020, 00:16 AM

 

喺新冠肺炎席捲全球期間,飲食場所不得營業或只可以外賣,如果好唔容易得以重開,求神拜佛唯恐不及,但居然有人倒老闆嘅米。
日前喺德國,有米芝蓮餐廳因疫情而停業多月後終於準備重開,但該餐廳名廚Bourgueil唔知係飲大兩杯抑係有意為之,竟然宣告「唔歡迎華人」,世界嘩然,連紐約僑界人士亦條氣唔順,聲言如果去德國旅遊,寧願喫唐庒士的,都唔食米芝蓮牛扒。
此外,德國旅遊局怕被連累,已經控告該餐廳種族歧視,並且引發當地華人抵制。該名所謂名廚知衰,澄清言論只係針對中國政府喎!米芝蓮啋佢都傻,早幾日宣佈將呢家餐廳喺推介榜單中移除。米芝蓮官網已搜尋唔到呢家歷史悠久嘅餐廳。相信老闆多得佢少。
八友認為,Bourgue 應該學過煮中餐,而且有一定甩鍋(拋鑊)功底,又或者係美國領導人嘅粉絲,學到甩鍋本領,加上自己係廚子,一經上手,甩鍋技術更係青出於藍。川、蓬之輩都係針對中國政府甩鍋,而Bourgue 居然一竹篙打一船人,連所有唐人都計算在內,「好樣的。道歉?為時晚矣!」
講起道歉,八友想起NBA火箭隊嘅總經理莫雷先生,去年香港慘遭黑衣暴徒毒手,烽煙四起,民不聊生之際,莫雷竟然企係暴民一邊,指責警方使用過份暴力,令到黑暴唔能夠盡情舒展。嘩!咁都得,中國方面要求道歉,被拒絕,而NBA總裁蕭華亦企喺自己友嗰邊。
OK,你唔講sorry,我咪唔轉播NBA比賽囉!睇下邊個怕邊個。由於大陸唔播比賽,冇咗贊助商,NBA冇咗中國市場,損失數以億計。
現時NBA打算復賽,想同大陸重修舊好。聽講中國籃協主席姚明企硬:「關乎中國主權問題,唔道歉,一切免談。」大家拭目以待。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版