您的位置: 首页/八友集/十店九關 安坐家中保健康

十店九關 安坐家中保健康

Mar 26, 2020, 01:04 AM

  雖然紐約市封城前已經買好食物乾糧,但晏晝嗰餐多係叫外賣。禮拜三嗰日原本想喫噚晚嘅剩菜,八女卻想轉下口味。佢話上網發現有一間唐餐館有湯麵,不妨試下。結果“柯打”送上門,一個雪菜肉絲湯麺,一個魚片湯河,一客小喫麻辣雲吞。八女又話不如叫埋晚餐:竽頭排骨、麻婆豆腐。食物攤喺飯桌上,父女兩人慢慢享受,卻發現湯粉麵難喫,麻辣雲呑辣到飛起又冇口感,勉強食咗一半,再難下讌,只好往垃圾袋放。八女見麻婆豆腐賣相極差,說:“不如唔好要囉!”“是但啦!”內心係肉痛白白唔見咗十幾蚊,冇辦法,自己衹能夠接受小辣,“第二時唔好喺呢間餐館叫外賣。”

  八友曾經依照華埠商改區貼出嘅肯送外賣餐館名單叫餐,但電話響冇人聽,亦有接咗訂單後打電話告知,“唔好意思,我哋送唔到。”前日,八女喺午餐時間深入唐人街購物,幾經辛苦,先搵到一間開門嘅餐廳及麵包店,買咗兩個飯麵同麵包糕點回家。佢話從F地鐵站一路行去,十店九關,市容慘淡,仲傷過9/11時多多聲。八友想搵日出去觀光遊覽下,八女話唔得,危險,最多可以戴口罩到樓下花園仔散下步,打下太極。八友都明白,非常時期,安全第一,只好聽話,安坐家中,一個禮拜以來,漸漸習慣。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版