您的位置: 首页/八友集/曬「蝙蝠乾」 意國華人嚇壞人

曬「蝙蝠乾」 意國華人嚇壞人

Mar 24, 2020, 01:04 AM

周星馳電影「唐伯虎」中有一段曲詞:「燒雞翼,我最鍾意食。」一時之間,雞翼名氣大躁,銷售量增加,不過,只限於華人圈子,未能發展到歐美。好彩,最近雞翼終於有所突破,為老外重新認識其不為人知嘅一面。喺意大利新冠疫情急劇惡化當下,普利亞大區特拉尼市嘅一戶華人家庭近日引起附近民眾恐慌。因為呢戶人家竟然係自己屋企露臺曬「蝙蝠乾」,數量唔少。有鄰居居發現廣傳,之後報警。你哋知啦!一直傳言蝙蝠同新冠病毒有密切關係,見到咁恐怖嘅「蝙蝠乾」唔驚就假。事件驚動咗當地市長波德羅,親自帶隊上門調查,警方同衛生部門迅速出動,一查之下先知擺烏龍:呢家華人只不過喺露臺醃雞翅。由於醃動物乾違法,因此雞翼被沒收,戶主要居家隔離。

喺新聞報導中,睇到曬嘅雞翼,霎眼望落去,真係有啲似蝙蝠。當時意大利已飽受新冠病毒折磨,杯弓蛇影,絕不出奇,難怪人哋報警處理,怨不得旁人。友人大隻講說,有冇發覺,有啲移民他鄉嘅華人唔識入鄉隨俗,將原居地嗰一套生活方式照搬過去。好似食雞翼,連唔多喜歡喫有骨鳮肉嘅老番都「燒雞翼,我鍾意食。」但搞到將醃好雞翼高高掛起生曬,形狀好似成隻蝙蝠仔咁,豈不是為非常時期添麻煩。雖然,你可以話自己有咁嘅自由,但會嚇親人口架嘛!大家有無喺唐人街見過有人曬雞翼或者曬鹹魚?暫時仲未聽到咁嘅投訴。不過,喺窗外或防火梯處曬底衫褲,則時有所見所聞,雖然聽過有睇唔過眼嘅鄰居投訴,但此等劣行,仍未得到收斂。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版