您的位置: 首页/八友集/庸人自擾 華埠商業受影響

庸人自擾 華埠商業受影響

Feb 18, 2020, 01:27 AM

  禮拜六嗰日,八女同佢男友叫八友到勿街某餐館晚飯,八友知道呢間飯店平日都要排隊,何況禮物尾夜晚,點知抵步後,入面衹有三枱客人,企枱說“鍾意坐邊度都得。”“嘩!唔係啩!平日你哋門口排隊已經排到堅尼路,啲客去嗮邊呀!”“有乜辦法,個個都驚咗新型肺炎,特別係老番,怕唐人街有病毒傳染。呢排唐人街水靜海飛,都唔知要等到幾時先至回復正常。”

  喺老番眼中,口依家嘅華埠係咪好可怕?跟八友學藝嘅一個白人,鍾情中華文化,中文曉講曉睇,幾乎每日都到唐人街超市購物同喫餐。但最近佢就絕跡華埠,星期六中午練完功夫後,都話番屋企喫飯,唔跟大隊飲茶。半個中國通尚且係咁,何況其他老外。據八友瞭解,唔單止老番,有啲上咗年紀嘅華人,亦減少到華埠活動,有懷疑者衹要到平日早午茶市排隊嘅酒樓睇下就知,包你有位,唔駛輪候。聽師公工商會書記何生講,佢哋嘅春宴原本50圍,但最後少咗三桌,因為住喺非華埠嘅鄉親臨時打退堂鼓,甚至連麻雀都唔敢出來打。

  為咗救市,上個禮拜市長白思豪等多個高官到法拉盛飲茶,力撐華人社區安全。而中國駐紐約總領事黃屏及多個領事亦先後到民鐵吾唐人街、八大道、法拉盛等喫餐,大啖蝦餃燒賣。黃屏指出,新冠病毒對紐約市華人社區商業影響係暫時嘅,相信短暫向下後好快就會恢復正常。佢強調,紐約到口依家都冇一個確診病例,大家根本冇必要驚慌,正常過好日子就得啦!八友覺得,因為怕受傳染而唔踏怕足唐人街嘅人,完全係心理作用,庸人自擾。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版