您的位置: 首页/八友集/ 搏鬥死神 勇醫護疫區救人

搏鬥死神 勇醫護疫區救人

Feb 14, 2020, 01:22 AM

  朋友傳來湖北護士“卸妝”照片,但見佢哋面部一條條勒痕,疲憊中帶住剛毅嘅神情,令人肅然起敬,感動淚下。想來,佢哋為咗救助病患,日以繼夜工作,已經喫過唔少苦頭,但毫無怨言,因為佢哋明白,既然選擇咗呢一行,就要負起應有責任。又睇到一個廣州讀醫嘅女大學生,自動請纓前赴武漢服務,當記者訪問佢,穿著保護服女大生侃侃而談,但問到有冇擔心父母擔心佢時,女大生哽咽答了兩句之後,擰轉頭搖手,講唔出聲。相信佢知道,為咗救人,佢就需要用死神搏鬥,早已將生死置於度外。

  早排香港咪有乜鬼醫護陣線罷咗五日工嘅,咪以為香港嘅所有醫護人員都係樣樣計足數玩嘢。嗰日睇電視一個專題報導,介紹幾個威爾斯醫院醫生同護士,佢哋都係以大無畏精神投入工作。其中一個女醫生表示自己係自動加入。又話外傳佢哋係執“生死籌”服務新肺炎確診者,其實唔係, 大多數人都係舉手要求加入,人手唔夠時,佢哋甚至為病患送餐。

  唔知早前罷工嘅醫護陣線成員會唔會面紅,八友就為佢哋感到羞恥。臨陣做逃兵,置病患生死不顧,咁佢哋讀呢行做乜Q?聽講,呢條陣線嘅發起人喺修例風波時同特區政府唱反調,參與暴動。喺疫情緊要關頭居然將病人綁上戰車,幸而政府不為所動,因為一旦投降,後患無窮。罷工五日後再投票,始終有良心嘅醫護佔多數,結束罷工。可嘆嘅係,香港護士協會竟然宣佈日前接力發起第二波工業行動。全港嘩然,港區全國人大代表鄭耀棠要求港府及醫管局嚴肅處理罷工醫護事件,並建議可按情況分級別處分罷工醫護,好似要炒魷魚嘅就炒之可也。

  八友亦應為,對付呢啲逃兵,秋後算賬有其必要性。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版