您的位置: 首页/八友集/ 無懼病毒 蝙蝠餐印尼熱賣

無懼病毒 蝙蝠餐印尼熱賣

Feb 13, 2020, 00:32 AM

  朋友傳來一段武漢華南海鮮市場喺新肺炎爆發之前視頻,令人觸目驚心。所謂海鮮市場,睇唔到有乜海鮮檔,衹有“屍橫遍地”嘅野味檔,各種被剝皮剉骨,面目猙獰嘅小動物被掛起叫賣,粗如拳王泰臣手臂嘅大腩蛇遭斬開一截截,任君選擇。場內環生情況極差,但仍有湊住小朋友嘅婦女閒逛,東張西望。咁恐怖嘅場面,冇病都搞出有病。

  而最令人難明嘅係,喺呢個疫情嚴峻時刻,居然有人繼續獵取野生雀鳥想一飽口福,日前就有幾個獵人嘅車內被公安搜出百幾隻鳥屍,真係服咗佢哋“拼死食河豚”嘅精神。但係佢咃死唔緊要,會連累其他人啩嘛!

  而更教人錯愕嘅係,雖然研究顯示,新冠肺炎起自中國新型冠狀病毒源頭可能係蝙蝠,不過喺印尼部分地區,蝙蝠餐仍暢銷熱賣。成隻蝙蝠連埋頭、翅翼落鑊,佐咖哩烹煮“燉蝙蝠”,係印尼北蘇拉威西省米納哈薩民眾最愛嘅傳統菜餚。八友喺電視新聞睇到打冷震,賣蝙蝠餐嘅小販表示:“新型冠狀病毒唔影響生意,而且更加好賣熱賣。”

  據印尼嘅美食家講,蝙蝠含有豐富嘅蛋白質,味道又好。疫情之前有電視製作特輯,兩個美眉作狀食蝙蝠湯。疫情爆發後被摷番出來,鬧爆。估唔到喺印尼,蝙蝠成為人們最愛嘅野味。呢啲食蝙蝠餐嘅人居然冇事,係咪內有玄機呢?病毒防疫專家何不到印尼研究一下,或有助解除病毒危機也。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版