您的位置: 首页/八友集/ 環保高唱 膠袋禁令將實施

環保高唱 膠袋禁令將實施

Feb 12, 2020, 00:29 AM

  “千呼萬喚始出來”。紐約市終於同好多支持環保嘅城市睇齊,下個月開始,將開始實施塑膠袋禁令,零售店唔再向顧客提供塑膠袋,顧客如果想要紙袋,就需要向店方支付5分錢。呢個法令,兩年前已經提出,但一延再延,終於鐵定2020年3月1日推出。此法規目的係減少一次性塑膠袋使用量,鼓勵民眾自備多次使用嘅環保袋。

  唔講你唔知,紐約州一年就用咗230億個塑膠袋,單單係紐約市,一年就用咗90億個塑膠袋,相當於超過9萬噸固體垃圾堆放喺垃圾場,總費用超過1250萬元。難怪環保人士鬼殺咁嘈:“紐約人幾時買嘢唔用膠袋呀!”人家咪早就開始囉!不過,會唔會有人突然上訴,頒臨時禁製令,就難講囉!

  八友喺過去幾年旅遊大陸港台期間,就嘗過買嘢冇袋,要袋俾錢嘅滋味,甚為唔方便。後來紐約出現購物冇膠袋送嘅聲音,八友就知道“禁袋令”遲早喺紐約市實施。有次喺東百老匯一間飯店斬料時,見店方提供黃色膠袋耐用又精美,靈機一觸:“將呢啲袋留番落來,第日實施膠袋禁令時咪有用囉!”就咁,每買一次餐,就將膠袋摺疊好,幾次旅遊都帶幾個隨身,果然方便好多,又唔使破費。每家大大話話都儲咗五、六十個,3月1日後有排用矣!

  又聽講,喺禁令生效之前,紐約市嘅衛生部門將喺五個區舉行贈品活動,向紐約市居民免費發放10萬個環保袋。僑胞要留意時間同派發地點,以免執輸也。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版