您的位置: 首页/八友集/沙士陰影 野生動物吃不得

沙士陰影 野生動物吃不得

Jan 11, 2020, 01:33 AM

  面對流感高峰期及武漢不明肺炎雙重影響下,香港市民心驚驚,怕16年前嘅沙士爆發,好彩近日證實只係另一種病毒,大家先知冇咁驚。據醫學專家指出,沙士病毒係由野生動物傳播,有人吃過菓子狸等野生動物後,就有可能傳染病毒,因此奉勸老饕忍下口。不過,経過咁多年歲月,往往有人忘記咗,繼續搵野味“享口福”。例如黑龍江一鎮政府食堂車庫近日被人發現熊掌、貓頭鷹等野生動物,但鎮政府死口唔認,話對食堂販賣野生動物情況並唔知情。此話一出,民眾笑謂:“鎮政府大佬們唔知道自己食乜嘢?以為每日都是青菜蘿蔔?哈!”真係搵鬼信咩!

  係咪所有野味都有病毒傳染可能,或者未必,例如熊掌,孟子有言:“魚,我所欲也,熊掌,亦我所欲也;二者不可得兼,舍魚而取熊掌者也。”可見熊掌乃安全野味,連孟夫子都忍唔住,寧吃熊掌而唔揀老鼠班。

  至於其他不見經傳,特別係埍窿埍罅嘅野生動物,仲係少碰為妙。“好多人都話老虎肉有壯陽之功,因此周時有人偷吃大蟲肉被公安捉到,究竟係咪有咁嘅功效。”包括八友在內嘅好多人都有此疑問,八友有次同経常番大陸嘅客家僑領傾起,佢話:“老虎肉,我喺大陸食過啫,冇乜特別。”“食完之後,有冇囉囉攣?”“唔話你知。”吃瀕危野生動物真係好陰功,自己貪口福而令到“生靈塗炭”,貓頭鷹、吊睛白額虎等動物買少見少,自然界之不幸也。要食,最多冒下險吃菓子狸算啦!


本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版