您的位置: 首页/八友集/「菜魚對決」 台大選還看今朝

「菜魚對決」 台大選還看今朝

Jan 10, 2020, 00:49 AM

  台灣地區領導人競選即將開鑼,紐約僑界如曾在台灣讀過書嘅僑生李可喬周前已率助選團近百人飛赴寶島投票,支持國民黨嘅韓國瑜,誓師出發時顯示“不斬樓蘭誓不還”氣慨。曾問中華總商會董事長于金山對台大選意見?他說:“邊個做都好,就係唔好俾蔡英文再做。”聽佢語氣,對台灣過去近4年嘅民生經濟凋零,深感不滿,歸根究底,斟酒問提壺,自然係領導人之問題。蔡英文執政期間,由於唔承認九二共識,任用群小,打壓異見人士,以至私相授受,貪汚嚴重,經濟下滑,曾經風光無限之旅遊業更係慘不忍睹。想台灣好嘅人自然希望換人。

  喺香港黑衣暴徒橫行期間,蔡英文好似搵到老公咁歡喜,高叫支持暴徒爭取“民主自由”,佢雖然冇講“時代革命,香港獨立”呢兩句,唔係唔想講,而係唔敢講,但“司馬昭之心,路人皆知”。香港修例風波,無疑係助長蔡英文氣焰,唔知禍之根源喺邊處嘅台灣民眾以為問題真係出自大陸,以致蔡嘅支持率昇高。不過,民眾嘅眼睛係雪亮嘅,由於事件真相逐漸顯現,韓國瑜之支持率已逼近蔡,到投票當日,大有可能爆冷,當選台灣最高領導人,帶領臺胞“發大財”。

  蔡英文譏笑韓來來去去都只識講“發大財”呢一句,指佢乜都唔曉。其實,台灣經濟差,“發大財”正係民心所向,有問題咩!聽講,韓國瑜嘅女兒韓冰將喺投票緊張時刻出馬同老豆拉票,韓冰呢個名起得好,喺韓國瑜競選高雄市長期間,佢對老爸助力不少。至於另一參選人宋楚瑜,一早已出動女兒宋鎮邁拉票,不過,宋楚瑜呢個人,不提也罷。“菜魚對決”,還看今朝。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版