您的位置: 首页/八友集/ 環境惡劣 同心協力渡難關

環境惡劣 同心協力渡難關

Dec 4, 2019, 00:55 AM

  八友同兒孫今年熱天到倫敦渡假時,鑒於倫敦年前發生幾單恐怖份子襲擊途人事件,不免有啲擔心:“會唔會一個唔好彩,遊覽時撞到,小朋友點算。”你話杞人憂天又好,乜都好,不能不有此擔憂。幸而平安渡過,享受一次歡樂假期。

  點知話口未完,日前即傳來倫敦發生恐襲事件;一個曾經疑為恐怖份子,坐過監,獲得假釋後嘅男人喺一個會議中殺死兩人又刺傷三個人後,逃跑至倫敦橋時,有見義勇為嘅幾個路人將佢制服,其後警員到場見兇徒仍在反抗,於是開槍將其擊斃。八友睇新聞時,見一名途人搶走凶刀後,立時走開,睇來係怕兇刀再落入兇手手中。

  八友覺得,老番比較見義勇為,因為兇徒有刀在手,要將其制服,有一定危險性,但幾個人合作之下,成功咗。

  想起約5年前,東百老匯130幾號一間快餐店老闆追出街外要求一個食霸餐嘅呂宋佬俾錢,反遭對方毆打,當時圍觀嘅民眾有二、三十人,其中大部份係唐人,竟然冇一個伸援手,任由呂宋佬將唐人打到趴街,真係令人嘆息無奈,你話衹要有幾個唐人開啓同仇敵愾之心,一起大叫“打佢老母”,點到惡人喺唐人街華人頭上屙屎!

  又啱啱睇到一段視頻,喺香港街頭,三、四個蒙面黑衣,睇來衹有十四、五歲嘅學生仔,搬雪糕筒堵路,攔住一部巴士,有個女乘客叫幾個男搭客落車搬走:“佢哋都係細路仔,怕乜呀!我哋人多,落去啦!”話未講完,已有一名男途人睇唔過眼,喐手搬堵路雜物,兩個黑衣小子真係衝過去打人。但見巴士閘門一開,幾個男乘客落車幫手還擊,幾個死靚仔嚇到雞飛狗走。“眾志成城”,香港人要認清時局,先至有翻身之日,如果受人蠱惑而蒙查查俾人牽住走,就衹有死路一條矣。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版