您的位置: 首页/八友集/貪得無厭 議席到手再暴動

貪得無厭 議席到手再暴動

Dec 3, 2019, 01:36 AM

  朋友傳來一段香港暴徒視頻:一名後生男仔喺馬路清理堵路雜物時,遭暴徒喝斥並進行暴力威脅。男生為求自保,舉起手機想拍攝,點知一個暴徒飛步上前,用鐵蓋飛向男生頭面,男生當場癱軟,吐血趴喺雜物上。旁邊仲有唔知係咪人發出嘅聲音:“抵死。”呢下襲擊,雖然電光火石,但兇殘程度,仲恐怖過以往暴徒嘅“私了”。八友當時心諗:“佢會唔會就咁死咗?”好彩男生其後醒番,被送醫治療。新任警務處處長鄧炳強喺出席電臺訪問時,就此事形容暴徒“想攞命”。八友認為,如果係中老年人,肯定已經“玩完”。想問一聲暴徒:“閣下係人抑係禽獸?”

  俗話說“食屎狗始終係食屎狗”。香港區議會選舉嗰一兩個禮拜,可能上頭落“阿打”,叫暴徒暫且休息,等選舉完咗先再暴,於是,太平咗十日八日,“港獨”支持者被選出之後,市民以為香港會太平。那知食屎食出味道嘅暴徒喺近個禮拜尾又再走出來亂港,打砸搶燒,無所不為,相信有唔少市民會說:“唔係嘛!選咗你哋啲手足出來,以為你等會心滿意足收手,又搞!你老母呀!”當選區議員嘅“民陣”發起人岑子傑竟然講風涼話:“議席對我哋來講好濕碎,我哋要嘅係五大訴求。”友人大隻講嘆氣說:“計我話同意暴徒解散警隊訴求,等香港冇王管,賊佬專搶暴徒屋企。”

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版