您的位置: 首页/八友集/保護老婆 切色魔陰莖竟獲罪

保護老婆 切色魔陰莖竟獲罪

Nov 30, 2019, 01:18 AM

紐約市近年經常發生性騷擾、性侵犯,甚至強制性行為罪案,令女性們心驚膽跳,呼吁有關方面設法遏止,更有女士們表示會帶刀在身,萬一遇上色魔,侍機一刀切斷對方子孫根。八友想起早前睇到一段新聞,提醒遇襲婦女三思而後行,因為用刀行刺,可能擔上刑責,甚至會判得比強奸犯仲要重。

事件發生喺萬里以外嘅烏克蘭,話說有一對夫妻同朋友喺餐館聚會,老婆因事要走先,喺返家途中經過一僻靜地區,點知路旁撲出一名男子,向佢襲擊並拖入灌木叢中強奸。無耐,丈夫亦返家,經過上址時聽到怪聲,撥開草叢,赫然見到妻子遭強姦。老公二話不說,將隨身帶嘅瑞士刀抽出,擒住色魔,大叫一聲「我切」,就將對方之陰莖切下,並報警處理。唔好以為保護老婆冇罪,因為老公已被起訴,一旦獲罪,將面臨8年監禁,而強奸犯則最多坐5年。口依家當地婦女集體支持救妻人夫,表示「切得好」,要求勿判刑。

友人大隻講說,傷人無疑係有罪,但自衛傷人,特別係保護自己嘅愛人而傷人,何罪之有?簡直係英雄啦!又話法例係死嘅,唔能夠一本通書讀到佬,法官應判老公無罪。「咁有啲妒婦懷疑或知道老公有外遇,憤而將丈夫鳥兒切去沖馬桶,有冇罪?」「冇罪,因為老公犯咗通姦罪吖嘛!」「咁你要小心啲囉!大隻講。」八友笑說。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版