您的位置: 首页/八友集/欲蓋彌彰 鄭君嫖娼不怕認

欲蓋彌彰 鄭君嫖娼不怕認

Nov 29, 2019, 02:05 AM

  據知,有啲男人到大陸旅遊公幹,旅途寂寞或“寡人好色”,少不免前往風月場所尋歡作樂,俗稱嫖娼、召妓,廣東話稱為“叫雞”,此種行為乃非法活動,如被“斷正”,必遭行政拘留兼罰款,因此,前往內地之男士,欲想“叫雞”,必須三思而後行,特別係有頭有面者,更要小心、檢點,否則如被捉別,不但自己失禮,連自己工作嘅公司亦冇面。

  上述非八友隨口噏,因有感於英國駐港總領館前伙記鄭文傑数月前到深圳公幹,休息期間,到一間會所飛笺召嬌娥,佢又好精力,數日間去咗三次,好衰唔衰被捉到,依照法律,要喺拘留所住十日八日。因為突然“失蹤”,被傳遭官方“扣查”。其後鄭君刑滿獲釋,傳言沸沸揚揚,竟然牽涉到外家層面。佢早前接受BBC採訪,話自己喺深圳被拘期間遭到虐待,並“被迫簽署供詞”。不過,中國官媒21日發佈一段顯示鄭文傑出入“會所”並認罪視頻,並指對其“唔存在刑訊逼供”。呢段時長約2分鐘視頻據稱顯示鄭文傑與不同女性三次“出入會所”及離開過程。視頻後半段顯示,被拘留後他對警方說感到“好冇面,好羞家”。鄭文傑嘅支持者認為中國不嬲有“強迫認罪”傳統,出入會所亦唔可以證明“嫖娼”,但也有網友指出鄭文傑點解一直未對嫖娼直接否認。

  是耶!非耶!唔駛搵包大人都可以知道一清二楚,只要喺該會所揾出曾經服侍過鄭君嘅女子,講出鄭君身上特癥,例如屁股有冇痣、心囗有冇毛等等,再請鄭君除嗮衫褲對正,誰是誰非,讓事實講話。又據知,以前中國官方會喺被“斷正”嘅人之護照上蓋上“嫖娼”兩字,以作警戒(有紐約某僑領30年前曾經歷過,不過俾佢丟咗護照報失)。不妨叫鄭君出示佢嘅證件,睇下有冇呢兩個字。不過,若過已經取消咗“痛苦”之懲教,又當別論了。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版