您的位置: 首页/八友集/不為民生 蔡連任台灣崩析

不為民生 蔡連任台灣崩析

Nov 18, 2019, 01:28 AM

  日前睇台灣新聞,台灣地區領導人蔡英文滿面春風執幾個月前同佢爭黨內提名嘅賴清德之手出席新聞發佈會,宣佈佢同老賴競逐大位。坐喺旁邊櫈仔嘅老賴則表情嚴肅,企起身接受自己友祝贺。呢對仁姐仁兄何以表情兩極?

  八友想起佢哋嘅對手韓國瑜妙喻:潘金蓮與武大郎同衾共枕,頭齊腳唔齊。意思即係話佢哋唔會齊心。觀乎蔡、賴喺記者會嘅神惰,老韓嘅比喻,又真係一語中的。其實又難怪賴清德條氣唔順,明明自己出線機會較蔡英文高,點解後尾突然向後轉呢喂?“何止賴清德一頭霧水,想出來趁熱鬧嘅呂秀蓮,連署原本過關,點知又俾人做掉,搞到要宣布退出。你吹咩!”唐人街某國民黨人士K君說。

  八友同K君討論台灣大選,邊個會笑到最後問題。“蔡英文喺在位之人,得天時同地利之便。宋楚瑜五度厚顏參選,注定又會失敗告終。國民黨原本有機會,但我睇韓國瑜只會講“發大財”,係冇料之人。此消彼長,睇怕蔡賴可以開定香檳慶祝矣!”八友說。“就算比韓國瑜更冇料都好,都唔能夠俾蔡英再做。你睇呢4年喺佢統治之下,台灣喺乜情況;經濟一落千丈,“邦交國”一個個丟失,民生不顧,淨係識追殺國民黨。如果再比佢連任,台灣都唔知會變成點。”據知,為咗鞏固國民黨票源,大紐約地區已有唔少親國民黨人士將組團返台投票,例如僑生李君,就會率69人團出發。

  又據悉,韓國瑜嘅太太李佳芬將代夫出征,下個月到紐約拉票,國民黨人士將辦籌款餐會歡迎:“你梗參加啦!”“唔去,餐會有啲搞手好乞人憎。”

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版