您的位置: 首页/八友集/羅文「號角」 唱穿香港現慘況

羅文「號角」 唱穿香港現慘況

Nov 16, 2019, 02:26 AM

  記得睇過一部粵語片,係講一班窮兇極惡嘅山賊喺“鎮奸”帶路下,刀不刄血攻入一鄉鎮,山賊控制鄉鎮後,為所欲為,對進出嘅鄉民嚴格審查。喺淫威之下,鄉民敢怒不敢言。影片最後梗係有正義之士搬救兵,將山賊擊退。八友講呢段戲文,係有感而發。因為口依家嘅香港中文大學,就係電影中嘅鄉鎮;有“學奸”勾結暴徒入侵校園,蒙查查嘅校長段崇智由硬轉軟,暴徒對佢嘅稱呼亦有“段狗”變“段爸”。

  瞬間,中大變色,成為暴徒嘅窩藏點同兵工廠。日前時機成熟,暴徒喺中大二號橋丟雜物阻塞公路,防暴警衝到中大想止暴制亂,段崇智再做老好人,警方唯有退出,於是中大淪陷,由“山賊”接管,喺各出入口設關卡,搜查任何出入人士。段校長求助無門。最令人擔憂嘅係,其他八家大學亦出現類似情形,如果繼續惡化,香港真正玩完。

  “香港玩完”,并非危言聳聽。因為特區政府不作為,暴徒卻為所欲為,加上發言權落入暴民手上;香港電台、商業電台、乜TV、物TV、生果報、暗報等均為匪張目,大公報、文匯報等勢孤力弱,TVB因企喺正義立場,記者慘遭私了。試問喺咁樣情況下,香港仲有明天咩!友人大隻講說,習近平主席今個月已兩次提到香港局勢要“止暴制亂”,特區政府係要強硬做嘢了。走筆至此,朋友喺微信傳來一首多年前由鄭國江填詞作曲,羅文演唱嘅歌曲“號角”,呢首歌竟然唱出目前香港嘅實況,歌詞如下:“號角吹起烽煙遍地,良民田園盡數顛沛流離,但見頹垣敗瓦烽火遍地,怕看繁榮鬧市竟變一廢墟,啊!充滿血淚,恨痛莫名,嘆息唏噓,誰人要,烽煙遍地,古都新市,一朝粉碎,盼待和平,結束紛爭,再不要興殺機,期待仁愛,昐再睹,一絲生氣。”呢首歌當年唔係幾流行,原來穿越時空,太神奇了。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版