您的位置: 首页/八友集/獻花行剌 何君堯化身始王

獻花行剌 何君堯化身始王

Nov 7, 2019, 00:47 AM

  中學時,聽歷史阿Sir講,荊軻刺秦王時,荊生向嬴政慢慢展示燕國錦繡河山地圖,邊睇邊講,展示到最後,出現一把刀仔,荊軻二話不說,揸起刀仔,刺向秦王,嬴生繞行辦公枱同刺客玩捉迷藏。殿下大臣忙叫“王負劍”,一言驚醒大懵王。嬴政連忙拔出龍泉劍,將荊軻斬殺於階前。聽完之後,八友好佩服秦始王,覺得佢武功驚世駭俗,因為荊軻係千挑萬選嘅剌客,武藝自然一流境界,居然慘遭一國之君斬殺,從而知道嬴政并非荒淫之君,可能朝夕勤練“葵花寶典”之輩。

  勢估唔到,呢種行刺模式竟然係2500年之後,重現香港,發生於日前,話說立法會議員何君堯同助手喺屯門拉票時,一個戴帽男子向何君堯獻花,又話封佢為偶像。或始王托世嘅何生不虞有詐,接花後話多謝支持。鏡頭所見,現代荊軻解開斜背袋,拎出把約8吋長嘅利刄,以迅雷不及掩耳勁度向何君堯前胸直刺。何君可能練過太極拳,但見佢輕擺柳腰,雖將來勢缷去大半,仍被刺中胸骨,輕傷。佢同助理仍奮力將刺客按倒地上,報警處理。何君一戰成名,相信唔會再有刺客向佢喐手喐腳。

  關心香港問題嘅讀者有冇留意到,香港自區議會選舉宣布即將展開之際,暴力事件不斷出現,而被打、砸、燒嘅參選人辦事處,清一色都係建制派,暴徒明顯係要呢啲候選人自行退選。咁做法,何來公平可言?好彩至今,受威脅嘅候選人并無宣布退出,堅持參選,勇氣可嘉。

  冇錯,絕不能向暴力低頭也。


本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版