您的位置: 首页/八友集/鄉里搭機 想用頭等廁被捕

鄉里搭機 想用頭等廁被捕

Nov 5, 2019, 01:48 AM

  八仔明年2月底將到聖地牙哥開會兼旅遊,問老爸有冇興趣同行?跟佢哋去旅行,行路多過坐車,得辛苦兩個字,都係免嘞!佢訂好機票之後,話最幸運嗰次番香港,喺加拿大轉機,點知嗰一站客滿,航空公司問佢哋介唔公意坐另一家公司飛機?升級頭等。嘩!佢哋都未坐過頭等位,當然吐飯應,坐完之後,至今回味無窮。

  講起坐飛機頭等,日前睇新聞令人愕然無解:阿拉斯加航空公司一班機日前從肯尼迪國際機場起飛後,一個經濟艙男搭客走去頭等艙想用廁所,但被空中服務員阻止,話“國有國法,家有家規,飛機有飛機條例,唔該老兄去番經濟艙茅房。”該名可能想見識頭等廁有乜特別嘅麻甩覺得受辱,怒罵:“你哋寧願頭等廁所冇人用,都唔俾大排經濟廁嘅搭客入去方便下,咁冇人道,真係豈有此理。”可能越鬧越過癮,更口出打人傷人狂言。該航班原訂飛往洛杉磯,但不得不改飛堪薩斯市,該名不守規矩旅客喺飛機降落後被捕。

  友人大隻講認為,呢件事,航空公司同燥狂男各大五十大板,燥狂男睇準經濟茅房要排長龍,為咗想見識下貴賓房,乃施施然行過去,以為急尿不外乎人情,唔會被拒之入內啩!點知航空公司訂下死規矩,理得閣下緊急抑係故意,空服員守嘅係規矩,以至鬧早恐嚇案件。建議該燥男向該航空提控,有機會賠番一兩百萬也。


本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版