您的位置: 首页/八友集/ 垂涎三尺 港式點心受歡迎

垂涎三尺 港式點心受歡迎

Oct 9, 2019, 00:34 AM

  八友從倫敦旅遊歸來已一個月,仍然好懷念倫敦唐人街嘅點心,特別係喺香港都少見嘅透明嘅腸粉。

  近日,聽聞華埠有間新開張嘅粥麺店,並且主打腸粉,開業後日日排隊。八友嗰日經過,喺門口睇下菜牌,果然乜類型腸粉都有,但價錢就比一啲“大中心點心同價”嘅餐館賣嘅腸粉貴一半。八友心諗:喺倫敦嘅腸粉都只不過4磅一碟,呢度就要6蚊,係咪真係好食呀!因為冇時間排隊,所以只係望下就離開。

  時至今日,老番越來越鍾意喫叉燒包、蝦餃、燒賣、蛋撻等廣東點心。

  據廣州多家廣式茶點培訓機構表示,有唔少外籍廚師專程到廣州學藝。呢群來自美國、俄羅斯、法國、澳洲、馬來西亞等國嘅廚師學成之後回國開店,將廣式早茶文化傳播到海外。

  廣州市白雲區一家名叫“藝高餐飲”嘅培訓機構49歲嘅早茶培訓師彭家勇說,佢已經教過幾千名學員,60%的學員來自外省,其他人則來自美國、俄羅斯、巴西。

  美加各地城市中,邊處嘅點心最好喫?退休後周遊各地嘅貴哥認為溫哥華、多倫多嘅點心仲好過香港,三番市同羅省亦OK,“紐約雖然係大城市,但點心水準未夠。”佢話相信係香港資深廚師移民加拿大較多之原因。

  八友想起1973年來紐約時,唐人街嘅點心大而無當,食之無味,棄之可惜。大家已經算唔錯了。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版