您的位置: 首页/八友集/ 對抗暴徒 馬蹄露愛國護港

對抗暴徒 馬蹄露愛國護港

Oct 8, 2019, 01:27 AM

  “勇哉!馬蹄露。”香港TVB三線女藝人馬蹄露日前大庭廣眾下,表現出佢無畏暴力嘅愛國愛港情操。大家都知道,香港進入極為混亂、令人人自危生活狀態,因為黑衣暴徒已完全失去人性,只要認為閣下唔順眼,唔係佢哋同路人,就遭到掌打腳踢,血流披面都唔肯停手。馬蹄露6號嗰日喺旺角因為見到暴徙破壞中國銀行櫃員機,舉機拍攝,竟遭暴徙搶機暴打,口同耳流血。喺咁惡劣情況下,弱質女流大多顧住條命默默承受。但馬蹄露無懼暴徒,同佢哋對罵對抗,過程令人肅然起敬。

  馬蹄露,鍾意睇TVB劇集嘅讀者都會知道佢経常扮演啲八卦、貪小便宜嘅乞人憎女人,連八友都對佢頗為懨惡。但年前睇過一篇報導,對佢有所改觀。原來,住喺大埔嘅馬蹄露,經常以物資幇助區內弱勢群體如執紙皮老人等。經過6日事件後,新聞再披露佢暫停買屋計劃,捐助一大筆款項俾中國偏遠山區建學校。月前又捐物資俾警局,表明撑警立場,愛國護港之心,表露無遺,比兩邊唔得罪,粒聲唔出嘅演藝人士,更令人尊敬。

  當然,喺香港暴動期間,以行動表示愛港撐警嘅藝人亦有,例如“校長”譚詠麟、“阿B”鍾鎮濤等,出現喺撐警集會。佢哋明知會俾洗咗腦嘅人杯葛,但“不為不義屈”,懶理你燒我唱片,唔睇我電影。難明所以嘅係有啲藝人如杜汶澤、何韻詩、張堅庭、黃秋生等指鹿為馬,暴徒行為明明已將香港陷於萬刦不復之地,佢哋仲要話暴徒做得啱,擘大眼晴講大話。點解?有兩種解釋;一係壞咗腦,一係收咗錢。“馬蹄露,你喺演藝界一株清蓮。”

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版