您的位置: 首页/八友集/ 唔准蒙面 香港立法望止亂

唔准蒙面 香港立法望止亂

Oct 5, 2019, 02:14 AM

  為咗社會秩序,香港特首林鄭月娥4日行政會議,通過引用“緊急法”設立“禁蒙面法”,5日凌晨零時起生效。法例係任何人唔准喺身處包括非法集會、未經過批准集會等活動時,使用相當可能阻止識辨身分嘅蒙面物件。消息傳來,得到九成九市民支持,當然亦有暴徒同極少數俾佢哋蒙蔽嘅人不滿,立即趁限期之前蒙面上街示威。八友寫此文時,睇緊香港新聞,但見蒙面暴民又到處破壞,極盡打砸燒之能事,中資機構唔好彩,成為佢哋主要攻擊目標。而到咗蒙面法生效時,暴徒仲會唔會蒙面作惡,人們拭目以待。

  其實又好奇怪,歐美多個國家已經有呢個法例,如美國1845年已有此法,荷蘭亦喺今年立法。擁抱歐美大腿嘅香港暴民點解唔想香港立法?友人大隻講說,香港特首林太做事畏首畏尾,唔夠強硬,禁蒙面法喺7月前就要設立,睇下參加暴動嘅人仲有冇膽以真面目示人。不過,禁蒙面法遲到好過冇到,初期梗有人唔順氣,到處鬧事,陣痛之後就會順產。

  講起林太,日前又做錯事。因為佢去信俾美國共和黨參議員斯科特(Rick Scott),表達對美國國會審議《香港人權與民主法案》嘅憂慮,信中指法案會損害各國對香港作為國際金融中心嘅信心,影響營商同投資環境,對香港同美國嘅經濟都會有影響。點知斯科特一啲都唔領情,仲批評林鄭月娥嘅信內容空泛,顯示佢唔重視香港人權,包括拒絕市民和平集會之權利。老科又認為香港人值得擁有一個為佢哋抗爭嘅領袖,而唔係中國國家主席習近平嘅棋子。大隻講說,林太向老科求情,反被人噴得一面屁,何苦來哉!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版