您的位置: 首页/八友集/ 香港亂局 歐美敵視中崛起

香港亂局 歐美敵視中崛起

Sept 11, 2019, 00:37 AM

  香港現階段亂局,令到想香港好嘅人擔憂,特別係香港嘅有錢人,佢哋喺呢個地方辛苦闖業,唔想香港就咁玩完。例如香港首富李嘉誠,喺8月中登報籲停止暴力,指出“黃臺之瓜,何堪再摘”,又表示“最好嘅因,可成最壞嘅果”,“愛中國、愛香港、愛自己;愛自由、愛包容、愛法治”;“以愛之義,止息怒憤”,下款為“一個香港市民李嘉誠”。可惜,呢個香港市民嘥心機,因為佢嘅廣告出來之後,香港亂局並冇稍停,暴徒更越來越黐線,暴力昇級,越演越烈。日前,李嘉誠到慈山寺出席為香港祈福活動,佢又表示希望香港人能夠渡過呢個難關,“我哋希望年輕人能夠體諒大局,而執政者,亦都能夠對我哋未來主人翁,可以網開一面。如果繼續咁落去,係非常不好,我都擔心。”

  李嘉誠再度發聲,班暴徒會唔會俾下面,將暴力降級?友人大隻講說:“好難,除非係特朗普出聲,否則繼續搞落去。”八友同意佢講法;因為日前,百幾人擔住美國國旗前往美國駐港領事館請願,要求美國對中國通過人權法,否則要如何制裁云云,真個是異想天開,漢奸行為。從此亦可見呢班暴民以美馬首是瞻。前香港立法局主席曾鈺成講得好,佢話“將香港福祉寄望於美國通過一條咁嘅法案,我認為完全係發夢。”大隻講說,英、美、德對中國之崛起,懷有敵意,其實佢哋對中國同香港嘅關係,完全唔瞭解,只揀啱自己嘅嘢去聽,好似亂港小頭目黃之鋒就啱嘥佢哋胃口,時不時請佢去演講。講到呢條友,大隻講話自己火都嚟埋:“黃之鋒早兩日喺台灣噏完風返港,被O記探員以佢違反保釋條例拘捕。點知法官指O記出錯,當庭釋放,等佢趕去德國出席唱衰香港集會。香港大多數法官真係幇暴民幇到出面,真係唔知香港政府搞乜鬼。”

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版