您的位置: 首页/八友集/ 網路情緣 醜宅男女交往圈

網路情緣 醜宅男女交往圈

Sept 10, 2019, 01:31 AM

  八友後生嗰個時代,流行交筆友,乃宅男、宅女結識異性嘅平臺。例如八友,就喺雜誌刋物嘅筆友欄搵同自己興趣差不多嘅女仔,書信來往,然後交換相片,啱嘅話就約出來見過面。八友見過兩個筆友,一個較肥,一個滿面暗瘡,都唔滿意,所以見一次就玩完。又試過第一次去台灣時,到台大女宿舍搵筆友結果因為係“青年節”假期,佢番咗高雄,只好留下小禮物。結婚之後,當然再無玩呢樣嘢了。

  八友想當年,乃係有感於時代唔同,科技發達,書信來往已經嫌慢,網絡情緣先至係年青人至愛,因為面對面傾偈,叫對方傳張相片睇睇,“正噃!”於是談戀愛,約出來見下面。不過,往往事與願違,搞到尷尬收場。

  日前睇到一宗相關新聞,幾乎笑甩牙:廣東深圳上塘派出所日前接獲報案,有葉姓男子話自己喺酒店召妓,結果被對方欺騙。公安到酒店後先至發現葉男係因為同女網友見面,點知對方傳嘅個人照片似高圓圓,見咗面先知係餘慕蓮。大為不滿,要求對方俾番所送禮物,女方當然唔肯,葉仔一怒之下報警。

  八友覺得呢種男人好冇品,已出之物,點收得番。既見醜女,何不逃之夭夭。兄弟,叫鳮要坐監!

  網路識男仔女仔,有人話多係醜男醜女。八友則認為唔能夠一竹篙打一船人,因為有啲比較內向或勤於讀書嘅俊男美女唔知有乜渠道識異性,唯有借助網絡(筆友)搵異性朋友,見過面之後,兩看不相懨嘅話,就發展落去。八仔就係咁娶妻生子嘞!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版