您的位置: 首页/八友集/直航辛苦 長途飛行問題多

直航辛苦 長途飛行問題多

Sept 9, 2019, 01:53 AM

  八友有個喺澳大利亞嘅功夫同門師妹,日前前赴香港,帶兩個獅頭番澳洲。自己心想香港家亂過“亂世佳人”,班暴徒時不時霸佔通往機場道路,佢一個婦道人家,舟車勞頓,實難完成呢項不可能嘅任務也。師妹話咁多年來闖南蕩北,乜辛苦都經歷過,冇乜好怕。結果算佢好彩,去赤臘角機場嗰日,暴徒冇現身,佢微信報平安,並囑八友搵時間到澳洲相聚。八友心諗由紐約飛澳洲,要23個鐘頭,豈不是要坐到腰骨都直!

  據報導,澳洲航空公司有意推出全球首班從紐約直飛悉尼航機,全程約19個鐘,該航空公司將於今年完成3次試飛,以研究機組人員同乘客喺超長途旅程後會否出現健康問題,並為飛機上人員設定瞓覺時間表及客機內部設計。聽講,新航線飛行時間比目前新加坡航空公司從紐瓦克到新加坡嘅18個半鐘頭仲要長,是現時為止全球航程最長之商業航班。

  講起坐長途機,八友到家仲有恐懼症,記得13年前獨自去東南亞同香港旅行辦事,先坐直航16個鐘(喺加拿大要停個零小時,屈身機艙),到香港後立即轉機飛泰國又3個鐘,總共超過20個鐘,到達曼穀後,幾乎分唔清南北西東。又有一次參加美東珠大校友會去雲南旅遊,坐咗14個鐘直航機,抵達香港時係朝早5點半,喫完機場翠園早餐後,到處遊蕩,要等下午一點先有機飛昆明,精神萎頓不堪,先明白點解有啲團友早兩日到港休息,料足精神先出發。

  經此數役,八友對搭長途機,有咗戒心。澳洲未去過,要去嘅話,要仔細安排。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版