您的位置: 首页/八友集/影院滄桑 唐人街曾經擁有

影院滄桑 唐人街曾經擁有

Sept 7, 2019, 01:38 AM

  喺土地貴過黃金嘅紐約市,電影院生存空間越來越小。早個前,被拆除嘅下东城阳光电影院變成一座九层高嘅商业办公大楼。而最近,又有曼哈頓中城城嘅巴黎戲院正式关闭。呢間有71年历史嘅戲院係全美最古老艺术馆之一,喺1948年由PathéCinema开張运营。电影院所在嘅大楼位于西58街,地王也,由开发商Sheldon Solow拥有。喺上世紀九十年代,巴黎电影院曾經差啲被关闭,当时PathéCinema被Loews取替,民眾担心屋主会将剧院改造成商業大樓。其後,喺1994年,Sheldon Solow买咗嗰那栋大楼,令到巴黎电影院起死回生。今次关闭,会唔會又起死回生呢?懷舊人士拭目以待。

  提起戲院,新移民老陳奇怪點解咁大嘅唐人街一間戲院都冇?“家駛乜嘥錢睇戲吖,喺網上咪睇到囉!如果仲想快啲有得睇,可以一蚊買隻翻版碟,雖然有啲唔清,但慳番幾蚊。”“點都係喺戲院睇電影過癮;大銀幕,立體聲,就算十元八塊都係物有所值。”“如果個個人好似你咁講,唐人街嘅電影院就唔駛全部執笠囉!”

  八友告知老陳,1973年年頭到美國紐約時,唐人街電影院林立,八友住喺基士提街73號,隔離就有間璇宮戲院,乃邵逸夫物業,只放映邵氏出品。東百老匯有戲院兩間,近加薩林街嗰間叫金都,近市場街嗰間名曰新聲,呢間新聲亦可做舞台劇,廣東大戲周時在此上演。且林士果有一間戲院(名字忘記),專放粵語殘片。堅尼路夾茂比利街嗰間叫月宮,專映老番鹹片,再行落啲近百老匯大道處有一間叫華都。1981年,香港嶺光電影公司老板買咗包厘70幾號建咗一間叫華聲戲院,請咗林青霞、秦祥林兩人剪綵。幾年之後,僑商應行久喺堅尼路曼哈頓橋頭附近興建咗新都戲院。而粵劇文武生于峰1983亦曾喺且林士果経營專放有中文字幕嘅老番電影。可惜,踏入1990年代,由於華埠地皮高漲,加上翻版碟衝擊,電影院難以為繼,執完一間又一間。2000年,留守至最後嘅璇宮戲院亦熄燈了。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版