您的位置: 首页/八友集/紐約倫敦 華人生活多相似

紐約倫敦 華人生活多相似

Aug 26, 2019, 01:18 AM
倫敦唐人街的店鋪大多中午12點後始營業,因此早上頗為寧靜。

倫敦唐人街的店鋪大多中午12點後始營業,因此早上頗為寧靜。

  喺倫敦番紐約係夜機,八友等對唐人街嘅點心美食回味無窮。當日喫完早餐後先去軍事博物館參觀一戰同二戰嘅文物展,然後再坐地鐵到華埠,先至係11點幾,約咗同門曾兄見面,佢話唐人街餐館要到12點先開門營業,不如去橫街窄巷行下。我等一面行一面傾,言談間,發覺“到處楊梅一樣花”,美英兩地甚至所有海外僑胞喺異國他鄉嘅生活均大抵如此。

  曾兄說,早期到倫敦嘅華人大多係新界嘅客家人,住落來之後,多數從事餐館、雜貨店行業,周薪衹有20至25磅,生活艱難,但兩餐安樂,仲有錢寄番香港。不過,有啲人唔生性,爛賭,咁就作別論。我1975年到倫敦,喺細超市打工,唐人街約有6間喺土庫底嘅賭博館,牌九番攤等賭博輸到唐人兩餐成問題,一生未番過香港。“佢又話,其後合法嘅大型娛樂博彩場進駐華埠,現代化設備,有飲有食。華人大檔先至壽終正寢。”“你所講嘅情況,同紐約一樣。”八友說。

  講起開武館傳授功夫。曾兄表示,龍形派最早喺倫敦揚名立萬,最早有宗師林耀桂嘅傳人林劍峰,其後由他接棒,那時中英學生唔少。每年喜慶舞獅不停。但近10年來,倫敦地產大漲,多數年青人只想打機唔想打功夫,惡性循環之下,武館難以維持,衹能在社區中心或學校任教。“乜同紐約武館一樣?”八友嘆息。

  “12點囉!飲茶。”喺曾兄帶領下,來到一間有三層樓嘅中餐館。“唐人街嘅酒樓都好細間,有冇可以擺一百幾十圍嘅酒家?”“以前有一間可以筵開三十幾席酒樓,家冇囉!”入到餐堂,但見企枱都係黑衣人,有啲唔係幾自在。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版