您的位置: 首页/八友集/支持特區 英國華人撑港警(图)

支持特區 英國華人撑港警(图)

Aug 24, 2019, 02:05 AM
倫敦的早晨因為餐館未開門營業,街上行人不多,圖為一名老華僑西裝革履,在一茶餐廳前悠閒柚著菸。
倫敦的早晨因為餐館未開門營業,街上行人不多,圖為一名老華僑西裝革履,在一茶餐廳前悠閒柚著菸。

  “嗰日唐人街發起撐香港警察,支持特區政府止暴制亂集會,社區領導人吹雞,號召華埠外圍華人華僑齊集唐人街,抗議暴民意圖搞垮香港,我自己係老華僑,又係香港原住民,梗係要出來支持。”移民英國45年嘅龍形派師傅曾江招喺八友賦歸前兩日,約同門嘅八友喺唐人街飲下午茶,之後有佢嘅徒弟請吃晚飯,食嘅係川菜。講起香港暴亂,曾兄火都嚟埋。佢話本來想8月回港一行,但老婆話佢係衝動派,容乜易見到啲黑衣暴徒時,忍唔住出手,佢以前就算一個打九個,但口依家年紀大,唔好搵呢啲嘢來搞。“後生嗰陣,打架當食飯。口依家見到班暴徒變成恐怖份子,真係谷冷氣。”

  “嗰日睇電視新聞訪問一個支持遊行嘅市民:如果你遇到打劫、詐騙等意外會點做,條友衝口而出話“搵警察”,又覺得唔妥,神色尷尬。可見呢種人又痕又怕痛,既然鬧黑警,點解有事要搵警察。早個禮拜有個差佬俾十幾個暴徒圍攻,拔槍示警,係好正常嘅事,但大多數新聞只報導警察拔槍,冇報導暴民圍攻,呢啲算係乜新聞。老實講,如果喺美國等地,早已開槍啦!我唔係因為自己係警察而幫警察,我係講道理。”曾兄嘅徒弟佳仔說。30歲嘅佳仔8歲移民英國,九年前回流香港,曾經考過警察,幾乎樣樣過關,唯獨中文唔掂,不獲錄取,後來番番倫敦,終於7年前考到皇家警察。佢話喺英國當差都好危險,因為唔俾配槍,只靠碌棍,而一啲不良份子則隨身攜帶利刀。

  席間有位輩份最高嘅龍形派宗師林耀桂傳人李炳南,係倫敦華人僑領,曾獲英女王頒授MBE勳銜。李叔今年82歲,佢話1960年代初移民英國,從事餐飲生意,其後喺地產方面發展,現任劍橋中華龍舟會主席,劍橋中文學校校長。溫文儒雅嘅李叔講起華人喺英國發展,一個字,就係“捱”,唔好貪懶,只要肯做,唔敢講發達,但小康之家一定做到。我認為香港好多年青人貪懶又不滿現實,結果走入死胡同。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版