您的位置: 首页/八友集/淫魔自殺 權貴喜歡狗仔愁

淫魔自殺 權貴喜歡狗仔愁

Aug 13, 2019, 01:48 AM

  婬魔富豪埃普斯坦喺日前喺監獄第二次自殺身亡。消息傳來,聽講唔少人例如美國現、前任總統特朗普、克林頓、英國安德魯王子等長吁一口氣,出現安樂嗮嘅表情。但亦有好多人如八友、八婆等大失所望。因為狗仔隊老早已部署好埃普斯坦出庭採訪計劃,睇下佢點樣爆大鑊,有幾多個名人俾佢爆出來。至於老總、大富翁等,雖然以前同埃普斯坦認識,或一齊飲過茶、食過包,雖無深交,但瓜田李下,俾人誤會就唔係幾好啦!家佢自己了卻殘生,一了百了矣!

  至於喺咪一了百了?友人大隻講話冇咁簡單:“社會人士都提出陰謀論,懷疑埃普斯坦係“被自殺”。”我相信係。仲八過八友嘅大隻講說,埃普斯坦生前同幾多個權貴有關係?相信為數唔少,萬一佢俾檢察官誘惑做“金手指”以換取減刑,豈不是好大鑊?“你意思係有人買兇喺獄中搞掂佢?”“我唔知,但亦唔排除呢種可能。”八友亦覺得埃普斯坦死得事有蹺蹊。嗱!艾普斯坦上個月曾喺監倉內被發現幾乎昏迷不醒,而且頸上有手指勒痕,家突然瓜咗,點能夠唔懷疑佢嘅死因?所以,支持司法部、FBI等徹查佢死因。

  而最好笑係特朗普將克林頓擺上枱,聲稱近日公佈嘅文件顯示克林頓“曾私下去埃普斯坦嘅戀童山莊”。克林頓嘅發言人斥特朗普轉發之內容“荒謬唔妥”,又暗示總統精神不穩,無法履行職務。其實之前同埃普斯坦再見亦係朋友嘅特朗普何苦撩事鬥非,將精神用喺貿易談判上啦!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版