您的位置: 首页/八友集/亂局不停 香港旅遊制唔過

亂局不停 香港旅遊制唔過

Aug 12, 2019, 01:32 AM

  移居加州灣區嘅老友阿楊傳來微信,表示知道八友等10月中參加美東珠海大學校友會大陸越港遊,喺香港係自由行,需要住酒店,而佢有個大學同學喺彌敦道經營旅館,收費好平,平均40蚊美元一晚,如果未搵房,佢可以幫助聯絡。八友回覆佢:鑒於香港局勢越來越亂,冇停落嚟嘅跡象,校友們都係一把年紀嘅人,受唔起驚嚇,所以,今年嘅觀光團取消。

  上個禮拜校友會午餐會時,會長李玉田沈痛宣佈上述消息,喫緊蝦餃燒賣嘅校友莫不長嘆一聲,大鬧香港暴徒“生害人,死累街坊”。因為校友都係來自香港,親眼見證香港點樣從1950年代一無所有,再由港人死捱爛捱,捱成香港變成一顆明珠,回歸後更加朝氣勃勃,眼看喺祖國關顧下,更上層樓,點知傳心不良者欲置香港於死地,收賣漢奸暴徒作亂。家亂局已成,沈重打擊各行各業,特別係旅遊業。兩個星期前,八友曾上網搵香港普通三、四星級酒店價錢,一間係旺角頗有名氣嘅相熟酒店一個雙人房,每晚只需95元美金,但往年11月,房租卻係130蚊,嘩!平35元,怕走雞,幾乎想訂咗先算。

  當然,嘅房價可能再跌。因為特區政府提供外國對港旅遊警示已到22個國家地區。香港業界預測,下半年香港旅遊業將進入寒冬。港府商務及經濟發展局長邱騰華喺記者會說,遊行示威活動由和平轉為衝突,打擊香港,但香港接待單位會盡力做好,減少對遊客或商務旅客嘅影響。八友覺得講有鬼用咩!淨係睇下示威者喺機場開派對,對唔攞佢哋宣傳單張嘅旅客恐嚇推撞,就已經令人唔想喺赤臘角機場出入矣!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版