您的位置: 首页/八友集/穿越時空 拖人示眾現德州

穿越時空 拖人示眾現德州

Aug 10, 2019, 02:19 AM

  日前電視台重播經典電影《回到未來之二》,八友坐定定欣賞,睇到片中男主角雙手被綁,被騎馬人拖住遊行時,突然覺得場景熟囗熟面,醒起日前睇電視新聞時,德州Galveston警局兩個白人騎馬警察、用繩牽住一名戴手鐐嘅黑人男子走喺街頭示眾照片。

  呢件事引來嚴厲批評,連有識之士亦媽聲四起,質問:“口依家唔係1819年,係2019年,大佬,你做乜Q嘢?”唔少人認為好難唔令人聯想南北內戰開打前,想逃離南方種植園嘅奴隸男女被捕畫面。呢種畫面竟然穿越時空,番番200年後嘅今日,意欲何為?雖然事後警局出來向嫌犯道歉,并以唔成理由嘅理由解釋,但好多人唔收貨。

  喺今日嘅美國,由於執政者肆意妄為,首先散播種族歧視言論,“上有好者,下有效之”,如今連兩個衙差亦公然作出此等無恥行為,點會唔令到其他族裔人士悚然驚懼。雖然,比起德州上周因種族岐視而造成31人死亡恐怖事件,“牽人示眾”或係小事一樁,但問題係一樣嘅。友人大隻講說,日本仔轟炸珍珠港後,喺美國嘅日本人被拉入集中營,等佢哋“閉門一家親”。但仗打完後,回想自己係“泱泱大國”,唔能夠咁樣遷怒無辜喺美國生活嘅日人,乃想作出賠償。時至今日,號稱人人平等嘅美國卻倒行逆施,點可以令人唔擔心!“口依家中國成為國際大國,威脅到美國一哥地位,處處同中國對著幹,我有啲擔心僑胞喺美國嘅處境。”“應該唔會嘅,美國口依家文明好多,頂多係凃下鴉,叫你番番去中國,如果佢F你,你咪F番佢囉!”八友作出安慰。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版