您的位置: 首页/八友集/ 亂民禍港 旅遊業苦過黃蓮

亂民禍港 旅遊業苦過黃蓮

Aug 9, 2019, 02:40 AM

  日前參加美東珠海大學校友會午餐會,討論十月下旬大陸港越遊,八友本來約咗建華兄餐後到旅行社交費,由於香港局勢持續唔穩,“華哥,香港搞成咁,好唔好睇定啲,下個月點心宴後先至去旅遊公司?”

  華哥尚未答話,會長玉田走過來說:“香港口依家咁,唔少校友都有啲擔心,所以,今年嘅旅遊活動,暫時取消,睇定啲再講,好唔好。”華哥話OK,又說大陸一定番,因為梅氏公所11月中喺台山開全球懇親大會,佢會後一定番香港留幾日,探親訪友,自己會小心,人多嘅地方唔去。"八友,你點呀!”“冇乜點嘅,唔去咪留番喺度囉!”

  席間,校友們紛紛對香港混局發言,媽叉暴亂份子搞搞震,令到想到香港行下嘅人卻步,“人同此心,心同此理”,靠觀光業發展經濟嘅香港邊有運行。

  一年有好幾次周圍去玩嘅蓮姐說,佢全中國都去匀,最鍾意去哈爾濱睇冰雕,但一定要喺一月份去,佢打算明年再去一次,“好凍喎!”“凍都值得。不過呢次唔去香港見親友。”蓮姐又表示,退休後就到處旅行,增長見識。例如北朝鮮,佢都去過,步步為營,聽導遊指示,邊啲地方可以影相,那個地方唔准,佢哋都照做,都好刺激。

  “多爾袞”則笑說,其實美國好多地方大家都未去過,而且風景優美,都值得去嘅。早兩個禮拜,佢兩公婆就去咗阿拉斯加,以為唔會熱,點知都有80度氣溫。會長說明年試下安排美國境內遊。


本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版