您的位置: 首页/八友集/ 警分九等 美人上人港芻狗

警分九等 美人上人港芻狗

July 11, 2019, 02:20 AM

  纽约市警日前喺曼哈顿中城麦迪逊广场花园举办警察学堂毕业典礼,今屆畢業生共425人,聽講來28个唔同嘅国家,其中有115名毕业生仲係"警察世家”??。警察總局局長奧尼爾向畢業生講話時指出,警察呢個行業充满挑战,唔係每个人都能夠胜任,因為佢哋要打击犯罪以提升社會治安。老總祝贺所有毕业生通过努力毕业之餘,并向支持警员嘅家属表示真挚感谢,因為家屬肯俾佢哋做呢份要同壞人週璇嘅工作吖嘛!
八友覺得,奧尼尓後尾嗰兩句話可圈可點,因為做“男子漢”并不容易,要面對幾許挑戰同風雨。相信奧尼爾更加唔明白,美國警察同香港警察分別好大,美警唔容許被民眾辱罵,對付暴動份子可以用警棍、摧淚彈,甚至喺非常環境下使用槍械。但港警遇上暴徒,居然乜事都做唔到,被駡係狗、黑警,連警察總部可以被包圍、被掟雞蛋、番工嘅警員可以被追打。
所以,如果老總喺訓話時聲明警分九等,美警上上,港警下下,咁樣就可以俾來自香港家庭嘅學警一個定心丸。因為多屆新紥師兄畢業中,父母來自香港,甚至自己小時候喺香港移民來美嘅人都有,例如前五分局局長吳銘恆就係其中之。跟八友學國術嘅小劉,14歲自己移民來美,自細立志當差,為民除害,佢話如無意外,明年一月入警察學堂。有志者事竟成,佢有當差條件,祝佢好運。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版