您的位置: 首页/八友集/低調婚宴 國王嫁女夠巴閉

低調婚宴 國王嫁女夠巴閉

Jun 12, 2019, 01:51 AM

交遊廣闊嘅僑商趙君日前嫁女,因為佢嘅仔女跟八友學太極拳,因此邀出席徙兒婚宴。起初以為佢會大搞,擺番一百幾十圍酒席,那知只有十幾席。詢之:「點解咁低調呀!以你嘅名譽地位,搞大啲吖嘛!你睇啲富豪嫁女娶媳,請埋名流、演藝明星赴宴,咁先夠排場。」「弊在我唔係富豪呢!嫁女係自己屋企嘅事,我唔想麻煩太多親友,所以只請圍內人,求其大家坐埋吃餐飯咪算囉!」

 講起嫁女,端午節周末,發拉盛華人圈出咗一件不一定「絕後」、卻係「空前」嘅大喜事,好有「國王嫁女」之味道。據八友嘅老友記告知,某商業社團之實際掌權負責人之女兒歸寧宴客,不單止冠蓋雲集,政商界賓客滿堂,重要嘅係呢個社團理事們幾乎全員到齊,來為頗有「叱吒風雲」氣派嘅「國王」抬轎,在喜宴舞台上一字排開,華人社區似乎仲冇見過如此場面,證明主事人嘅影響力一流,連皇后區區長都前來錦上添花頒發「賀喜狀」,可見「國王」嘅面子有幾大。

 不過,亦有一啲「酸葡萄」正在發酵,認為呢位新任嘅「老丈人」似乎將自己膨脹過度,「家有喜事」搞成「社區喜事」與「社團大事」,動員社團全體理事撐場,係咪有啲「公器私用」嘅味道;至於主角喺喜宴上渾然忘我高歌娛賓,亦係華人圈內少見之「創舉」。八友認為,呢啲就係高調與低調之分別。姑勿論如何,八友向呢對新人賀喜:「百年好合,連生貴子」。


本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版