您的位置: 首页/八友集/ 藍籌地產 兩橋區貧富角力

藍籌地產 兩橋區貧富角力

Jun 7, 2019, 00:34 AM

  爭取同反對兩橋區再建“高富帥”位宅大樓已經進入白熱化角力。向錢看嘅地產商死都要政府批地俾佢哋“四幢高廈拔地起”,社區有識之士及一啲為民請命嘅民選官員則誓死抗爭,去爭取最後勝利。邊個能夠笑到最後?有悲觀者說“窮不與富鬥”,但樂觀者則認為“富不與官爭,我哋有民選官員支持”。悲觀者說“得嗰兩三個官員支持,有鬼用咩!摩天公寓建成之後,地稅多咗好多,市庫增加收入。你未聽過官商勾結咩?四座豪華大廈一定起得成,你話我話啦!”

  為咗反對兩橋大廈抗建,曼哈頓區長高步爾同市議員陳倩雯,以及同樣發起訴訟嘅下東城鄰里委員會等社區組織上百人日前喺紐約州最高法院庭訊前分別舉行抗議集會,表達訴求。陳倩雯話如此大型工程,決不能無視社區聲音同意見。高步爾痛批地產商假借由“輕微改建”之名繞過公共審查程序,兩橋建案竟計劃喺低層建築社區興建四棟63層至80層高度高樓,呢種情況不可接受。

  講真,身為兩橋區居民嘅八友只知開發商要建四座高摟,唔知要起到63至80層咁高。聽講,開發商本來想喺車厘街夾羅格斯里嗰處兒童遊樂場建樓,後尾查到地下係地鐵運行處,上面唔得有建築物,竟然再打歪主義,想拆車厘街265號至275號之間嘅小公園同停車場,然後建樓,即係起好建築物之後,原本可以有無敵河景嘅呢兩座大廈居民就只可能望到豪宅外牆,無敵河景俾人取而代之。示威嘅社區人士說,有錢人點會俾貧下中農瞓喺身邊,一定千方百計逼遷,試問唔提出反對點得,起碼等對方知道,我哋唔係沉默的羔羊,將來就算閣下“大石壓死蟹”,建廈成功,亦要俾番社區一啲好處。兩橋區,八友住咗40年,由當年“不毛”之地變成依家地產商必爭之地,可見係藍籌股,其發展潛力驚力,八友等居民要自求多福矣!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版