您的位置: 首页/八友集/保護賭客 賭館應升級保安

保護賭客 賭館應升級保安

May 15, 2019, 01:38 AM

  喺鄉親會所打麻雀,旨在娛樂,但有啲人牌品稍差,遇上亦唔好頸嘅牌友,往往一言不合,互噴惡言,甚至揮拳相向。八友比較多去嗰間會所,雖然大多係年過60嘅耆英,但有幾個嘅性格仍相當火爆。例如年前兩名雀友突然嘈起上嚟,其中一個較為後生又健碩嘅說:夠膽出去同我打過。被挑戰嘅嗰位聽講以前學過螳螂拳,不甘示弱:打咪打,出去喇。正在竹戰嘅四位女將同聲譴責:咪打住,等我哋走開去。結果係俾公所職員勸開,否則八友有新聞可寫。

  又日前,兩個年已80嘅長者坐上“四方城”後,其中一個對另外一人突然揚揚起拳頭,大罵:信唔信我一拳打死你?平日比較鍾意講笑惹事嗰個回敬:打咪打,唔通我怕你,不過係打牌,唔係打架。兩人你一言,我一語,開始起火。睇緊電視嘅成哥開言:你两個加埋都160幾歲啦!仲喊打喊殺,好心你哋平心靜氣打牌啦!舉起拳頭嗰個則條起仍然唔順說:邊有心情,唔打啦!其後八友問佢哋同枱嘅雀友:究竟佢哋發生乜事。原來,被鬧嗰個首先向人竪起中指,於是被人喊打。原來係先撩者賤。

  喺會所同鄉梓打牌耍樂,牌友間尚且有衝突,何況喺賭館。周前喺法拉盛某地下賭館就發生白刀子進,紅刀指出惡性事件。新聞報導係兩個华人男子因為賭款問題發生磨擦,其中一個竟然從身上拎出利刀桶傷對方,然後逃去無蹤。警方接報後展開調查,并公布嫌犯早前图像。八友認為,賭館雖然非法經營,但仍有責任保護消費者生命財產,應該聘請保安把守頭關,檢查賭客有冇帶武器入器,因為冇理由令賭客輸錢又輸命也。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版