您的位置: 首页/八友集/好學唔學 紐市景點限制多

好學唔學 紐市景點限制多

May 14, 2019, 01:32 AM

  八友想今年8月去倫敦旅遊時順道去荷蘭探親觀光,查下資料,得知荷蘭計劃限制外國游客數量,停止推廣旅遊業,轉而采取管理旅遊景區策略。原因係2017年約有1800萬人去荷蘭觀光,超過荷蘭總人口。估計到2030年,將增長至2900萬。有關方面認為大量外國游客到訪唔單止造成荷蘭各個景區過於擁擠,亦可能降低當地居民生活質量。睇番下歐洲觀光資料,原來包括威尼斯水城等多處熱門觀光點都開始採取限人措施,包括收觀光稅。友人大隻講笑言歐洲太過小心又貪錢,對遊客唔公平:“你睇中國大陸,觀光門票咁貴,但小長假仍然處處景點爆滿。”

  唔知紐約國家公園管理局係咪有感於荷蘭嘅觀光計劃,日前亦採取限措施,就係從5月中開始禁止導遊帶旅行團參觀自由女神像同愛麗絲島國家移民博物館。管理局話呢兩個地方係紐約皇牌王牌觀光點,特別係自由女神像,遊客最愛:“鑑於商業旅遊活動激增,我哋需要採取行動,以減輕兩島上過度擁擠及國家公園管理局運營之間衝突。”管理局此舉當然引起旅行公司不滿,指責公園管理局反應過敏。管理局應提出合理行為準則及其他可行解決方案,而唔係直接發布禁令。八友亦認為佢哋反對有理,如果管理局係又管,唔係又管,嗰度唔准去,呢度又唔俾去,試問遊客有邊度可去?旅遊公司邊度仲有生意,管理局分明係向正在蓬勃發展嘅紐約觀光業潑冷水也。所以,建議管理局做好自己,唔好一刀切,否則紐約旅遊業冇明天。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版