您的位置: 首页/八友集/王室添丁 種族主義推特見

王室添丁 種族主義推特見

May 13, 2019, 01:41 AM

  英國哈裏王子同老婆梅根一索得男,日前抱住新生兒子亮相,BB雖然用布包實,但民眾亦可一窺輪廓,見到BB雪白臉龎似老豆多過似老母。夫妻倆接受民眾祝福之際。英國廣播公司(BBC)老牌電臺主持貝加(Danny Baker)竟然屎忽痕,喺推特發布一張照片,仲係黑白照,內容係一對衣著華貴男女拖住一隻身穿西裝嘅黑猩猩,並且配文字“王室寶寶出院嘞”。嘩!咁樣分明踩哈裏娶黑人女子,生下混血兒。於是,睇語過眼嘅人炮轟貝加係種族主義者。喺媽聲四起之下,貝克隨即撤下相片並且道歉。但電臺逼於民眾壓力,炒呢條友魷魚。

  讀者如果有睇過香港張瑛、白燕等主演嘅家庭倫理電影,就知道尋常百姓嫁入豪門嘅壓力,何況梅根係非裔血統,受歧視之程度更大,例如去年英國獨立黨時任黨魁博爾頓之女友就曾經批評梅根嘅黑人血統會令王室“蒙污”,立即被炮轟,指條女心理有問題,後尾好似俾博爾頓飛咗佢。佢知唔知“口臭”會俾人媽?應該知,但歧視心作祟,媽就媽啦!爆出來先舒服。好比BBC嘅貝加,成60幾歲人,乜未見過,你估佢唔知歧視性推特一出,會惹來一身騷咩!但佢乃種族主義者,哈裏娶梅根,已經令佢飲泣不已,依家仲生埋仔,更令佢火上加油,不滿情緒終於爆發出嚟。呢種種族歧視者,到處都有,避無可避。譬如總統特朗普,就被白宮工作人員爆佢用種族歧視言語鬧人,不過,佢死口唔認之嘛!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版