您的位置: 首页/八友集/ 佔中罪成 搞亂香港應踎監

佔中罪成 搞亂香港應踎監

Apr 12, 2019, 01:13 AM

  2014年香港發動“佔中”嘅9人日前被宣判罪名成立,法官將會喺4月24日判刑,會判佢哋踎監幾多年?友人大隻講話當然係判得越重越好,因為以戴耀廷等为首嘅乱港分子,喺外国势力同乱港传媒配合下,发动长达79日违法“佔中”,道路堵塞,社会撕裂,受误导嘅示威者以争取所谓“真普选”为名,冲击政府管治、侮辱攻击警察,種種惡行,罄竹難書,若唔重判,難平民憤。八友睇香港《大公报》評論,指出:“占中三丑”当初信誓旦旦之“爱与和平”变成空话,更为“港独”冒起埋下祸根,但最终沉重代价将由香港巿民埋单。9人同支持者只顾思考自己所谓理念,却企喺香港市民利益同“一国两制”利益之对立面。

  聽講,呢9個亂港人士最初以為頂多告佢哋阻塞道路罪名,判罰一萬幾千銀了事。點知控方祭出:串謀作出公眾妨擾、煽惑他人作出公眾妨擾及煽惑他人煽惑公眾妨擾等6罪。“乜咁Q大鑊?有排踎喎!”難怪佢哋面對傳媒時,面色鐵青沉重,故作鎮定。俗話說“食得鹹魚抵得渴”,為一己私利而置香港經濟、7百萬港人生活不顧,死不足惜也。香港電視新聞不斷重播戴耀廷當日狂叫“佔領中環,正式啟動”。亂港行動指令,鐵證如山,難怪戴講師心知肚明要踎監,連求情都費亊多餘講。

  八友覺得,香港法律對暴徒太過寬鬆,以為“退一步海闊天空”,點知與虎謀皮,只會你退一步,對方進兩步。記得十几年前紐約喺華爾街示威嘅民眾,只能侷限於公園一隅之地,夠膽越雷池一步,警棍招呼,打到閣下撲街。試問有邊個國家同地區肯開放金融地區俾人集結示威,仲係兩個幾月,最慘係警察,俾暴徙辱罵推撞,唔准還口回手,否則有罪判監。喺美國,示威者夠膽就試下,警察一定拖出亂棍招呼,或噴辣椒水,甚至放催淚彈,因為唔咁樣做,暴動只會續。但喺香港,則會被人鬧爆,連美國人都指罵冇人權。雙重標準囉!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版