您的位置: 首页/八友集/人命關天 波音空難搵原因

人命關天 波音空難搵原因

Mar 15, 2019, 00:25 AM

  美國總統特朗普13日終於宣佈波音737 MAX機型飛機停飛,相信好多人會拍下心口,諗番句“阿彌陀佛”、“感謝主”。例如八友,想喺暑假秋冬期間出遊,到時係咪搭呢種型號波音都未知。所以,特普普“金口”一開,全球鬆口氣。事實擺在眼前,波音737 MAX機型飛機5個月內發生兩單空難,死亡人數幾乎達到300人,大佬,呢啲係人命,唔能夠當兒戲。埃塞俄比亞空難事件後,中國、澳洲、印度、香港等國家同地區先後宣佈停飛呢種型号客機,當時美、加兩國似乎怪責中國帶頭玩嘢,表示“波音737 MAX”好安全。”美國國家運輸部長趙小蘭未得到上頭批示,硬住頭皮說“波音737 MAX會繼續服務旅客,除非查到真係有問題。”

  結果,波音737 MAX問題真係浮出水面。有揸過呢種型號飛機嘅美加機師指出架機曾經如何又怎樣出問題。加拿大先至感到事態之嚴重,都唔理得美國大佬會唔會怪罪,13日較早時宣佈波音737 MAX停飛。冇耐,承受沉重國際同政治壓力嘅特朗普,終於決定跟大隊。八友當晚一邊食飯,一邊睇總統喺白宮記者會:“我依家發布緊急命令,禁止所有737 MAX 8、737 MAX 9型飛機飛行。”他又話美國聯邦航空總署準備好作出宣布。

  八友發覺到自2016年馬航空難之後,呢幾年嘅飛機失事多咗,係飛機問題?人為問題抑係外來因素?專家們應該盡力尋找答案。好似上世紀八、九十年代,台灣地區某大航空連續出現幾次大意外,後來或者揾到原因,安全妥當咗,所以,今次波音737 MAX事故,一定有佢嘅問題。相信專家們同樣會搵到答案嘅。係咪!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版